PUSO Sports's user profile page. Match highlights, posts and more on site!“” Report User |
Latest Posts
DEHADO NGA BA ANG GIN KINGS? | Ang NAGING PAHAYAG ni Scottie Thompson nang MAGING EMOSYONAL | Patay!
Wala talagang itulak-kabigin kapag naglalaban ang Meralco Bolts at Barangay Ginebra Gin Kings. Ang huling dalawa nga nilang tunggalian, napagdesisyunan nga lamang sa huling dalawang minuto o sa final possession ng laro. Pareho pa nga ang mga final scores – 83-80. #PUSOSports #PBABubble #BarangayGinebra #MeralcoBolts #TNTTropangGiga Seryeng mala-teleserye dahil hitik sa kulay. Halos pantay kung kakayahan lamang naman ang pag-uusapan. Mula sa mga manlalaro hanggang sa mga cerebral o mauutak na coaches. At sa mga ganitong laro, minsan titingnan na lang natin kung kanino papanig ang tadhana dahil wala talagang gustong bumitaw. Ang mga ambag ni Reynel Hugnatan, hindi rin talaga matutumbasan. Naging mahalagang piyesa sya para sa Meralco Bolts na kung saan naipamalas nya talaga ang kanyang tatag at composure. Sa kanyang pagiging beterano, maaaring dito nga rin nakahugot ng inspirasyon ang iba nyang teammates tulad nina Cliff Hodge, Chris Newsome at Bong Quinto. Pansin din talaga ang struggle ng point guard nilang si Baser Amer na nakapagtala lamang ng tatlong puntos sa loob ng halos dalawampu’t dalawang minuto. Samantalang si Allein Maliksi naman, maagang nakulimbat ang kanyang ika-anim at huling foul. Sayang lang din kasi they could have contributed more in the crucial moments of the game. Well, ganun talaga eh, you win some, you lose some. Saludo pa rin sa Meralco dahil nakita naman nating hindi nila basta-basta ibinigay ang panalo sa kanilang kalaban. Bagaman ganoon ang kinahinatnan, good sport naman sila hanggang dulo. Para sa Gin Kings rin marahil talaga ang gabing ito. Their big time players came to play in the clutch. Ang tatlong tanod nga ng Barangay na sina LA Tenorio, Scottie Thompson at Stanley Pringle nga ang ilan sa nanguna para sa koponan ngayon ni Tim Cone. Sa ganitong mga laro mo nga makikita ang kanilang halaga para sa Ginebra. Pero sino nga ba ang pinaka-nag-iwan ng marka sa gabing ito? Sino ang pinakanaging tinik para sa Meralco? Maswerte raw talaga si Coach Tim dahil nasa kanila si Scottie Thompson. Kaya naman todo rin talaga ang pagpugay kay Iskati dahil nagbubunga ang kanyang hard work at pagpupursiging ma-improve pa ang kanyang laro. At sa huling tira nga ni Thompson sa tres, pinatay nya ang pag-asa ng Meralco na sa kanila ay makalampas. Ito na nga ang huling pako upang maisara ang kabaong ng Bolts. Sa pagtatapos nga ay napakasolido ng kanyang naging ambag – 20 points, 12 rebounds, seven assists at isa na namang heartbreak sa pagsasara ng kabanatang ito ng kanilang sagupaan. Hindi na rin nga nya marahil napigilang maging emosyonal dahil alay pala nya ito sa kanyang yumaong lola. Dalangin nga raw nya na muli silang makapag-finals na kung saan ito ay para sa kanyang pinakamamahal. At buong tiwala ni Iskati na nandoon ang kanyang namayapang lola na nagbigay sa kanya ng lakas at gabay sa kanyang winning shot. Muli na naman ngang nakalapit ang Ginebra sa isa pang kampeonato sa pagwakas nila sa kampanya ng Meralco. May isa pa silang matinding kakaharapin – ang TNT Tropang Giga. Ano ang masasabi nya sa naging pahayag ni Tim Cone na sila ang “slight underdog” para sa championship series na ito? Kahit na sila nga raw ang nanguna sa elimination round, nandoon pa rin daw ang banta ng Tropang Giga. Marahil ay ang naging pahayag nga na ito ng coach ng Gin Kings ay ang kanyang paraan upang ipakita ang kanyang respeto sa kanilang makakalaban. More than anyone else, si Coach Tim ang may sapat na kredibilidad at karanasan na sabihing hindi dapat minamaliit ang kahit na sinong team. Na sa halip na mag-underestimate, maganda nang ikaw ay overly prepared. Ano sa tingin nyo ang kalalabasan ng susunod na serye? Sino ang magwawagi? Patuloy nating abangan ang mga kaganapan. Panigurado magiging matindi ang bakbakan. __________________________________________________________________________________ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. https://www.spin.ph/basketball/pba/tim-cone-believes-ginebra-is-the-slight-underdog-vs-tnt-a795-20201128?ref=home_hybrid_2 https://www.spin.ph/basketball/pba/tim-cone-talks-about-scottie-thompson-s-rebounding-skills-a795-20201128?ref=home_hybrid_2 https://www.spin.ph/basketball/pba/scottie-thompson-trey-leads-ginebra-past-meralco-in-game-5-thriller-a793-20201127?ref=home_featured_big https://www.spin.ph/basketball/pba/thompson-believes-late-grandma-has-a-hand-in-game-winning-three-point-shot-a793-20201127?ref=home_hybrid_2 https://www.spin.ph/life/guide/scottie-thompson-vows-to-work-harder-as-grandmother-passes-away-a2442-20201023?ref=article_reco_list https://www.pba.ph/recap https://www.pba.ph/gallery Salamat sa pagtangkilik at salamat sa suporta sa sports!
Calvin at Perkins BINANGGA nang MATINDI ang Road Warriors! | Nag-COLLAPSE ang NLEX | Ang Pagbabalik
Marami ang nag-abang sa muling pagbabalik ng The Beast na si Calvin Abueva. At ngayon nga matapos ang lagpas isang taong na pagkakasuspinde ay makapaglalaro na nga sya para sa Phoenix Super LPG Fuelmasters. Pero sa gabing ito, dadaan muna sila sa isang koponang susubok sa kanilang tatag – ang NLEX Road Warriors. Dalawang koponang may kailangang patunayan kaya naman naka-asa tayo nang umaatikabong bakbakan. #CalvinAbuevaReturn #TheBeast #PUSOSports Muli na namang naging mabilis ang pag-arangkada ng Road Warriors sa pagsisimula ng laro. Habang kinakapa pa ng kanilang kalaban ang laro nito, naka-alagwa nga kaagad ang NLEX sa pangununa ni Kevin Alas. Sa kanyang mga salaksak nga ay bumulusok ang kanilang lamang na umabot pa nga ng labing-apat na puntos. Ang rookie nilang si Will Mcaloney ay maganda rin ang naging gising. Sa kanya ngang lapad ay ipinadama nya ang kanyang presensya sa loob. Naging malaking bagay ito lalo na at hindi nakapaglaro ang kapwa rookie nyang si Kris Porter. Sobrang solido rin ang ipinakitang laro ng big man nilang si Raul Soyud na nagmintis lamang ng dalawa sa labing-apat nitong tangka na nagbigay sa kanya ng 27 points – pinakamataas na naitala nya sa kanyang buong karera sa PBA. Kung pumabor nga sana sa kanyang koponan ang katapusan ng laro ay walang duda na sya ang tatanghaling best player. Umalalay rin naman sina JR Quinahan at Kiefer Ravena lalo na noong padulo na kung saan nakagawa sila ng mga plays na nagbigay pa nga sa kanila ng pagkakataong manalo. Pareho nga silang nakapag-ambag ng labingwalong puntos para sa Road Warriors. Pinilit namang sumabay ng mga mandirigma ng NLEX. Nandoon ang pagkagustong mabigyan ng magandang laban ang mga fans at masungkit ang ikalawa nitong W. Sa kabilang banda, ang Phoenix Fuelmasters ay nanatiling totoo sa kanilang pangalan sa gabing ito. Mainit na mainit. Nandoon ang apoy sa kanilang mga mata na nangugusap ng kanilang pagkagustong masundan ang kanilang magandang nilaro noong nakaraang lingo. Lalo na’t alam naman nating nakapag-refuel na ang koponang ito. Kung nag-aapoy lamang din namang mga kamay, taglay pa rin ito ni Matthew Wright. Nanatili syang nakakasa sa perimeter o maging sa three-point line. Hindi biro ang 60% field goal shooting nya na nakapagbigay sa kanya ng game-high 28 points na nakapagbalanse sa atake ng koponan ni Topex. Kahit na limitado ang naging minuto ni Justin Chua sa loob ng court, hindi ito naging hadlang sa kanya upang maging efficient at makapag-ambag ng mga magagandang numero para sa Phoenix. Sa kanya ring sweet shooting ay nakapukol sya ng mga timely baskets. Ang isa pang kaliweteng big man na si Jason Perkins naman ay ayaw paawat sa kaldagan sa loob. Bagaman sya nga ay na-foul-out ay nabigyan pa rin nya ang kanyang team ng double-double – 20 points at 13 rebounds. Sinigurado nya talagang makikilala sya ng kanyang mga kalaban sa kanyang intensity inside the paint. Sinigurado ng The Beast na maalala ng mga manonood ang kanyang pagbabalik sa PBA. Nandoon pa rin ang kanyang nag-uumapaw na energy. Nandoon pa rin ang kanyang bangis habang nananatiling maamo at kontrolado ang damdamin. Sa kanya ngang halos triple-double performance ay naibigay sa kanya ang parangal na Best Player of the Game. Sa kanyang 21 points, 13 rebounds at 7 assists, naging reflection o salamin nga ito ng kalakasang ipinakita ng Phoenix. Sa kanyang mga pinuntos ay pinangunahan nya ang bench nila. Sa kanyang mga rebounds, nakapagbigay sya ng mga dagdag na pagkakataon upang maka-iskor ang kanyang koponan. Dito nga sa mga aspetong ito higit na nakalamang ang Fuelmasters sa kanilang kalaban. Gabi nga ito ng Phoenix, lalo na para kay The Beast. Higit siguro ang kanilang galak na sa kanyang pagbabalik ay sila ay muling nagwagi. Karagdagang alas sa kamay ng kanilang coach na si Topex, lubos nga ang kanilang tuwa na buo na ang lineup ng Fuelmasters. 4-2 na sa standings, kung magtuloy-tuloy pa ang maganda nilang takbo ay paniguradong magiging matindi silang banta sa kanilang makasasagupa. __________________________________________________________________________________ Patuloy nating suportahan ang #PBAonESPN5: https://www.youtube.com/channel/UCXDG9ue-emCN8Ad3h7lERqQ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. https://www.spin.ph/basketball/pba/calvin-abueva-describes-feelings-about-suspension-and-pba-return-a795-20201026?ref=home_featured_2 https://www.pba.ph/recap https://www.pba.ph/gallery Salamat sa pagtangkilik at salamat sa suporta sa sports!
Ginebra SINALPOK KAAGAD ang NLEX | Road Warriors NAUBUSAN | Di MALAMAN San GALING ang ATAKE ng Kings
NLEX Road Warriors at Barangay Ginebra Gin Kings. Dalawang koponang sisimulan ang kanilang paglalakbay ngayong All-Filipino Cup. Dalawang koponang magsasagupaan upang maipakita ang husay ng kanilang mga galaw. Unang laro pa lamang, salpukan na agad. #Iskati #Pambihira #PUSOSports Kung susuriin natin ang mga manlalarong ipinadala ng Road Warriors para sa PBA Bubble, mayroon silang mga gwardiyang mabibigat ang mga pangalan. Nasa kanila nga ang mga beteranong sina Kiefer Ravena, Jericho Cruz, Kevin Alas at ang kanilang bagong recruit na si Mike Ayonayon. Sa kabuuan nga ng laro ay nakakuha lamang ang NLEX ng combined 35 points mula sa apat na manlalarong ito. Ang kababalik lang mula injury at bagong kasal na si Kevin ang may pinakamalaking ambag sa gabing ito, na sinundan ng birthday boy na si Jericho. Bagaman nagbigay na ng patikim si Mike sa kanyang atletisismo, nakapagtapos nga lamang sya ng may dalawang puntos. Di rin naging sapat ang ibinigay ni Kiefer na 6 points para makasabay sa kalaban. Sa kabilang banda, kahit na nawala nga sa kanila ang kanilang star big man na si Poy Erram sa pagkaka-trade nito sa TNT, sinubukan pa rin namang punan ng mga big men ng Road Warriors ang kakulangan nila sa loob. Pinangunahan nga ito nina JR Quinahan, Raul Soyud at ang bagong saltang si Kris Porter. Sa bawat bira nga ng NLEX, mayroong naging sagot ang Ginebra. Hindi alam ng kalaban kung saan manggagaling ang mga puntos dahil buong Barangay ang nagtulungan upang patagin ang kanilang daan tungo sa tagumpay. Pinagsama-sama nila ang kanilang husay nang sa gayon ay makuha nila ang kalamangan. Muli na ring sumabak sa laro sina Japeth Aguilar at LA Tenorio. Bagaman bakas na kailangan pa nilang muling magpakondisyon dahil galing sa mahabang bakasyon at ang isa naman ay galing sa isang operasyon, nakita natin sila sa loob upang kahit papaano ay maibalik ang kanilang feel for the game at madagdagan muli ang kumpiyansa. Hindi rin naman nila kailangan masyadong maghapit dahil nakakuha si Tim Cone ng magandang laro mula sa iba nitong players. Sa pitong manlalaro ngang naka-iskor ng double digits, si Aljon Mariano ang nanguna sa kanila na may dalawampung puntos at may limang rebounds. Nandoon pa rin ang matinding mga galawan ni Stanley Pringle. Shifty pa rin at napakabilis, yun nga lamang ay nagkamit din ng limang turnovers. Ang mga kaliweteng sina Jared Dillinger at Joe Devance, napaka-efficient din ng laro – wala masyadong nasayang na mga pagkakataon. Di rin natin kalilimutan ang magandang shooting ng kanilang isa pang big man na si Prince Caperal. Kung taas lang naman din ng talon at nose for the ball ang ating titingnan, napakatindi talaga ng skill set nitong si Scottie Thompson. Nanguna nga sya sa pagkalawit ng mga rebounds at nakakuha ng labing-isa nito. Sinamahan pa ng dalawang steals at isang block na tila pang-volleyball. Double-double nga sya sa gabing ito. Marahil ay inaabangan din talaga ng mga manonood si Iskati sa tuwing hawak nya ang bola – maaari nya itong ipasa, i-layup o ipukol sa tres. Kaya rin siguro todo rin ang paghanga ni Tim Cone dito dahil ang daming pwedeng maging ambag kapag nasa loob ng court. Kahit nga hindi sila nagwagi ngayon, alam nating kaya namang makipagsabayan nitong mga taga-NLEX. Kaunting “pangaral” at “motivational speech” pa ni Coach Yeng Guiao, malalaman nila kung gaano sila nito “kamahal” at mabubuhay rin ang kanilang dugo bilang mga Road Warriors. Nakaalagwa rin talaga kasi ang Gin Kings noong 1st at 3rd quarters. Higit na aktibo lamang din siguro ang kanilang mga manlalaro, at syempre nakikita nilang pumapasok ang kanilang mga tira. Kung magtuloy-tuloy nga ito ay paniguradong magiging matindi silang balakid sa kung sino man ang kanilang makaharap. __________________________________________________________________________________ Patuloy nating suportahan ang #PBAonESPN5: https://www.youtube.com/channel/UCXDG9ue-emCN8Ad3h7lERqQ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. https://www.spin.ph/basketball/pba/yeng-guiao-says-wearing-a-face-mask-while-coaching-a-big-challenge-a793-20201012?ref=feed_3_section https://www.spin.ph/basketball/pba/ironman-streak-intact-as-tenorio-suits-up-two-weeks-after-surgery-a793-20201012?ref=feed_3_section https://www.spin.ph/basketball/pba/mariano-dillinger-caperal-step-up-in-ginebra-s-win-vs-nlex-a795-20201011?ref=feed_4_section https://www.spin.ph/basketball/pba/aljon-mariano-scottie-thompson-take-over-as-ginebra-rips-nlex-a795-20201011?ref=feed_4_section https://www.spin.ph/basketball/pba/tenorio-hoping-to-extend-consecutive-game-playing-streak-a793-20201011?ref=feed_6_section https://www.pba.ph/recap https://www.pba.ph/gallery Salamat sa pagtangkilik at salamat sa suporta sa sports!
PINAYANIG ng Ginebra ang MOA! | Pringle SUMALAKSAK, Aguilar MONSTER DUNK | Na-BLANGKO ang MERALCO
Biyernes, ika-18 ng Enero 2020, MOA Arena. Ikalimang paghaharap ng Meralco Bolts at ng Barangay Ginebra. At sa pagkakataong ito, ang isa gustong mabuhay pa ng isa pang araw, samantalang ang isa gusto nang wakasan at tapusin ang laban. Nakalamang sila noong first half. Ang tanong na lamang ay kung ma-su-sustain o mapapanatili nila ito hanggang dulo. Dahil wala namang natatapos na laro matapos ang dalawang quarters, dapat patuloy ang daloy ng kanilang opensa. Sa wakas at kahit papaano ay nakakuha na ng spark ang Meralco mula kay Maliksi. At kahit papaano, nakapagbigay muli si Baser Amer ng higit na magandang laro. Sa kabila nito, tila huli na ang lahat. Si Allen Durham ang pakay lamang sa gabing ito ay ibigay ang lahat-lahat dahil nasa bingit na nga sila ng alanganin. Wala na nga ang ka-partner nyang si Almazan, si Durham na naman ang bumuhat sa kanyang team. Nabanggit ng ating isang manonood na si Allen Durham ay tila ba ang “Karl Malone” ng PBA. Dahil sa kabila ng pagiging isa sa pinakamahuhusay, nananatiling mailap sa kanya ang mag-kampeon. Dahil kapag dating ng finals, ang import ng kalaban ay nag-iiba at nai-aangat pa ang antas ng kanyang laro. Ang tinutukoy nga natin ay si Justin Brownlee. Best import o hindi best import, binigay nya ang kailangan ng kanyang koponan para maihatid ang kanilang ikatlong kampeonato sa kamay ng Meralco. Sa mga ganitong kabigat na laro, gugustuhin mo lang talagang nasa panig mo ang isang Brownlee. Nakuha pa rin nya ang kanyang mga numero. Pero ngayon, mas binigyang-tuon nya marahil ang pagpasa at paghanap ng mga open nyang mga kakampi. Isa na nga rito ay si Stanley Pringle. Balak ay makamit ang kanyang pinakaunang championship sa PBA, iba rin talaga ang kanyang pokus at ambag para sa kanyang koponan. Maliban sa naunang laro, naging banta nga sya sa seryeng ito na kung saan nahirapan ang mga kalaban na siya ay mapigilan. Sa kanyang mahusay na pagddrible at salaksak, nabibigyan nya ng enerhiya ang kanyang mga kakampi at ang kanilang mga fans. At kung pagpapahiyaw sa mga fans lamang naman ang pag-uusapan, hindi rin nagpahuli rito si Japeth Aguilar. Sa kanyang mga supalpal at mga dunks, naging problema sya sa Bolts na hindi nila malutas-lutas. Sa huli nga ay si Japeth ang tinanghal na finals MVP. Pero syempre hindi naman nya ito magagawa kung hindi nagtiwala sa kanya ang buong team ng Ginebra. Sa seryeng ito, ipinamalas nila ang iba’t ibang paraan kung paano maaaring manalo. May nanalo na. Dito na nagtatapos ang ikatlong kabanata ng tunggali ng Meralco at ng Ginebra. Respeto pa rin sa dalawang koponan sa mga pagbibigay ng mga umaatikabo at kapana-panabik na mga laban. __________________________________________________________________________________ Patuloy nating suportahan ang #PBAonESPN5: https://www.youtube.com/channel/UCXDG9ue-emCN8Ad3h7lERqQ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. Salamat sa pagtangkilik at salamat sa suporta sa sports!
NAGPAKITANG-GILAS Agad Ang New Import ng Road Warriors! | Dyip, NO ENTRY sa NLEX | CJ Perez, NAIWAN!
Parehong kagagaling lamang sa panalo, pinagbawalan muna ng NLEX na makalampas ang Columbian Dyip sa kanila ngayong elimination round para sa PBA Governors’ Cup. #MannyHarris #NLEX #ColumbianDyip Sinubukan pa rin namang habulin ng mga taga-Columbian Dyip ang kalamangan ng kalaban sa pangunguna pa rin ng kanilang super rookie na si CJ Perez, tapos samahan mo pa ng kontribusyon ni Jackson Corpuz. Samantalang si Rashawn McCarthy, kapansin-pansin na nakapag-ambag lamang ng tatlong puntos. Nagbigay rin ng puntos at rebounds ang kanilang import na si Khapri Alston. At tila ba may gusto ring patunayan si Juami Tiongson na kaka-trade lamang din mula sa NLEX sa pagtala ng 18 points. Naging kapana-panabik ang laro dahil nakadikit sa dulo ang Dyip. Ngunit hindi nga pinalampas ng bagong import ng NLEX na si Manny Harris ang pagkakataong ito upang kaagad-agad na makapagpakilala at makatulong sa kanyang koponan sa pag-iskor ng 45 points sa gabing ito. Dahil kasabay ng mga naipuntos ng mga local players ng Road Warriors tulad nina JR Quinahan, Kiefer Ravena at Jericho Cruz, malaking bagay na natumbasan nya o nahigitan nya ang karaniwang ambag ng pinalitan nyang import na si Olu Ashaoulu. May kapayatan pero may shooting sa labas. Ang tipo nga nitong si Harris ay pure scorer na kayang makapagtala ng matataas na numero sa pagpuntos gabi-gabi na kakailanganin ng NLEX upang pagtibayin pa ang puwesto nila ngayon sa standings. Nagpatikim kaagad sya sa kung ano ang kaya nyang gawin kapag hawak nya ang bola. Sa mga nag ing bantay nya sa Columbian Dyip, may mangilan-ngilan syang naiwan sa kanyang ball handling at crossover. Magandang pangitain ito para sa NLEX. Sa mga panayam nga sa kanilang coach na si Yeng Guiao, lagi nyang nababanggit na ang kanilang pagpapalit ng import ay napakalaking gamble o sugal. At sa pinakita ngayong performance ni Manny Harris, tila nag-pay off o naging maganda ang kinalabasan ng kanilang pagtataya. Nakatulong din na hindi pa rin kasi alam ng ibang koponan kung ano ang laro nito dahil bagong salta. Aabangan pa natin kung ano pa ang maibubuga nitong si Manny Harris at ng buong koponan ng NLEX Road Warriors. Consistency at chemistry ang kailangan pa nilang pagtibayin sa mga susunod nilang laro dahil markado ang kanilang koponan. At sa susunod nilang laban, agad itong masusubukan dahil TNT KaTropa lang naman ang kanilang makahaharap. KJ McDaniels na sariwa pa ang 51-point performance laban sa Meralco Bolts. Sinong Manny Harris kaya ang ating makikita? Harapan ng de-kalibreng mga imports na kahit pa nasa sister teams ay parehong may gustong patunayan. Harapan ng mga may karanasan sa NBA. Sino ang mas tatatak sa mga fans? Sino ang mas makapagbibigay ng mga solidong numero para sa kanilang koponan? __ Patuloy nating suportahan ang #PBAonESPN5: https://www.youtube.com/channel/UCXDG9ue-emCN8Ad3h7lERqQ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. https://www.spin.ph/basketball/pba/kj-mcdaniels-51-points-tnt-vs-meralco-pba-governors-cup-a793-20191012?ref=feed_3_section https://www.spin.ph/basketball/pba/fiery-harris-debut-clutch-quinahan-free-throws-lead-nlex-past-columbian-a795-20191016?ref=home_featured_1 https://www.spin.ph/basketball/pba/despite-strong-start-nlex-replaces-ashaolu-with-nba-veteran-manny-harris-a793-20191013?ref=article_reco_list https://www.spin.ph/basketball/pba/kiefer-ravena-recommended-manny-harris-to-play-for-nlex-a795-20191016?ref=feed_1_section https://www.spin.ph/basketball/pba/yeng-guiao-admits-nlex-taking-risk-after-replacing-reliable-olu-ashaoulu-with-manny-harris-a793-20191016?ref=feed_1_section https://www.spin.ph/basketball/pba/rashawn-mccarthy-says-extra-shooting-and-other-drills-reasons-behind-improved-offensive-skill-a793-20191011?ref=site_search https://www.pba.ph/recap https://www.pba.ph/gallery Salamat sa pagtangkilik at salamat sa suporta sa sports!
Kiefer BINIRA ang Ginebra sa Kanyang mga Pasa | Tambak Pero Nakahabol | TRIPLE-DOUBLE ni JB Nasayang
Isang magandang laban para sa ating mga kababayan sa Dubai. Isang labang paniguradong hindi malilimutan ng mga fans ng koponan ng Brgy. Ginebra San Miguel at NLEX Road Warriors. Paniguradong nasulit ng mga nanood ng live ang kanilang mga binayad. At para naman talaga sa kanila ang pagpunta ng PBA sa Middle-East. Upang makita nila ang ilan sa mga paborito nilang teams at ilan sa kanilang mga idolo. Upang maipadama sa kanilang hindi sila limot ng kapwa nila mga Pinoy kahit sila’y nasa malayo. Maagang bumulusok ang Brgy. Ginebra noong first half, partikular na nga ang kanilang maaasahang import na si Justin Brownlee sa pagtala ng tatlampu’t tatlong puntos. Kung opensa talaga ang pag-uusapan, marami nito si JB. Nagtapos si Brownlee nang mayroong triple double. 42 points, 20 rebounds, at 10 assists. Sa larong ito ay nakakuha rin ng kontribusyon ang Gin Kings mula kila Greg Slauhter at Stanley Pringle na parehong nagtala ng 19 points. Para higit na ganahan ang mga fans, nagbigay rin ng apat na puntos si Mark “The Spark” Caguioa nang ito ay ipasok sa court. Kapag naglalaro ang Gin Kings, paniguradong mayroon silang solidong fanbase na handang sumigaw at sumuporta sa kanila – kapag sila ang may hawak ng lamang o sila ang naghahabol sa kalaban. Hiyawan ang mga taga-Dubai noong matamo ng Gin Kings ang kanilang pinakamalaking lamang noong third quarter. Bagaman nakalamang nang malaki ang Ginebra, hindi pinanghinaan ng loo bang NLEX Road Warriors. Inunti-unti nila ang pagkaltas sa dalawampu’t walong puntong lamang ng kanilang kalaban. Tila ba sila ang nakagawa ng batikang style ng kanilang katunggali #NSD Ito ay sa panguguna ng import ng NLEX na si Olu Ashaolu tapos sinamahan pa ng mga crucial baskets nila Jericho Cruz at Philip Paniamogan. At ang nagbabalik na si Poy Erram ay nakapagtala rin ng kanyang 21 points. Kumapit ang NLEX hanggang dulo. At sa sobrang tindi ng laro, umabot pa ng overtime ang laban sa pagpukol ni Kiefer Ravena ng tirang nagpa-all sa kanila sa Ginebra. Di alintana ang pagod at hiyaw ng mga fans ng mga taga-Barangay. Kahit na kaunti lamang ang naipuntos ni Ravena dahil na rin sa magandang depensa ng Ginebra, nakapagtala naman sya ng career-high sa aspeto ng assists. Labimpitong assists para sa kanya na lagpas sa kalahati ng kabuuang naitala ng Gin Kings. Dagdag pa rito ang kanyang team-high seven rebounds tulad ni Olu. Dalawang puntos lamang ang naghiwalay sa magkabilang koponan nang matapos ang laro. 113-111 pabor sa NLEX. Uuwi ang mga nanonood sa Dubai nang maraming baong kwento sa kanilang nasilayang laro. Walang gustong bumitaw. Instant classic. May panahon pa para makabawi ang Gin Kings at makaangat sa standings. Para sa Road Warriors, they are on the right track – nananatili sila sa magandang direksyon upang malampasan ang kanilang naabot noong mga nakaraang kumperensya. __ Patuloy nating suportahan ang #PBAonESPN5: https://www.youtube.com/channel/UCXDG9ue-emCN8Ad3h7lERqQ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. https://www.spin.ph/basketball/pba/brownlee-praises-nlex-after-his-triple-double-for-ginebra-goes-for-naught-a1374-20191006?ref=feed_2_section https://www.spin.ph/basketball/pba/marked-by-ginebra-defense-kiefer-ravena-responds-with-17-assists-for-nlex-a1374-20191006?ref=feed_2_section https://www.spin.ph/basketball/pba/ginebra-vs-nlex-dubai-justin-brownlee-pba-governors-cup-a795-20191006?ref=feed_2_section https://www.spin.ph/basketball/pba/pba-sets-dubai-return-either-for-finals-game-or-all-star-showpiece-a1374-20191007?ref=feed_1_section https://www.pba.ph/recap https://www.pba.ph/gallery Salamat sa pagtangkilik at salamat sa suporta sa sports!
Double Overtime, Walang Gustong Bumitaw! | Romeo, Naging Tinik Laban sa TNT | TR7, TR18 Career-Night
Inabot ng dalawang dagdag na limang minuto ang ikalawang laban ng San Miguel Beermen at TNT KaTropa. Double overtime. Mabuti na lang at may TV ang bus na nasakyan ko at napanood ko ang klasikong digmaang ito. #2OT #SMBvsTNT #PBAFinals #TR7 #TR18 Ang mga nanood ng live sa Araneta ay paniguradong nasulit ang kanilang tickets. Umaatikabong aksyon ang ipinamalas ng dalawang koponan na ito na minarkahan pa ng mga career nights para sa iba’t ibang players ng TNT at ng SMB. Maganda ang bitaw ni Troy Rosario para sa gabing ito kaya naman nakapagtala sya ng 34 points. Bukod sa sya ang madalas na napapasahan ng kanilang import sa loob, nakapukol din sya ng walong three points upang maidikit nya ang kanilang score sa kalaban. Ang masaklap lamang ay hindi nya natapos ang laro dahil nagtamo sya ng anim na fouls. At kung usapan lang din naman ng mga big night, hindi nagpahuli ang SMB guard na si Terrence Romeo. Naitala ni Bro ang kanyang highest scoring output sa kanyang career bilang isang Beermen sa pag-iskor ng 29 points. Umulan ng tres sa larong ito. Labingwalo sa SMB habang labing-anim naman sa TNT. Kung pagsasamahin ay mayroon na kaagad na 102 points ang dalawang koponan na nanggaling pa lamang sa three-point line. Para sa dalawang imports, sa palagay ko ay medyo nag-cancel-out o naging pantay lamang ang kanilang performance sa Game 2. Nandoon ang scoring, rebounding at defense ngunit mayroon din silang fair share of miscues. Di maikakaila na beteranong team din naman ang TNT, marami na ring pinagdaanan ang koponang ito. Ngunit para sa gabing ito, mukhang umayon para sa Beermen and mga clutch points na nag-matter at nakapag-decide ng kinahinatnan ng laro. Big shot ni Romeo para maihatid ang SMB sa unang overtime. Crucial ang mga namintis na free throws nina Brian Heruela at Troy Rosario pagkatapos ma-eject ni Terrence Jones na nakapagdulot ng pampatablang layup ni Cabagnot. At si Chris Ross na syang bumingwit ng ikalawang technical foul ni Jones ang sya ring nakakuha ng steal noong 2nd overtime na nagbunga rin ng dalawang dagdag na puntos para sa SMB dahil sa kanyang fastbreak layup. We’re in for a treat. Tabla na ang serye. Walang isang koponan ang may malinaw na bentahe sa kanilang kalaban. Nakadepende kung sino ang puputok para sa mga laro at handang magpakitang-gilas sa malaking entablado ng finals. Palakihan na lang ng #PUSO Pagkatapos ng ganitong sobrang dikit na laban, paniguradong ang dalawang koponan na ito ay parehong gigil nang makapaglaro muli. Nakapapagod ngunit kakaibang karanasan ang makapagbahagi ng iyong talento sa mga ganitong uri ng laban. __ Patuloy nating suportahan ang #PBAonESPN5: https://www.youtube.com/channel/UCXDG9ue-emCN8Ad3h7lERqQ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. https://www.spin.ph/basketball/pba/terrence-romeo-smb-vs-tnt-game-2-2019-pba-commissioner-s-cup-finals-a2437-20190808?ref=feed_1_section https://www.spin.ph/basketball/pba/smb-vs-tnt-game-2-2ot-2019-pba-commissioner-s-cup-finals-chris-ross-a795-20190807?ref=feed_1_section https://www.spin.ph/basketball/pba/chris-mccullough-smb-vs-tnt-game-2-2019-pba-commissioner-s-cup-finals-a2437-20190807?ref=feed_1_section https://www.spin.ph/basketball/pba/tnt-katropa-gives-weight-on-free-throw-shooting-in-practice-as-missed-foul-shots-cost-team-game-2-loss-a793-20190807?ref=feed_1_section https://www.spin.ph/basketball/pba/terrence-jones-officiating-smb-vs-tnt-game-2-2019-pba-commissioner-s-cup-finals-a2437-20190807?ref=feed_1_section https://www.spin.ph/basketball/pba/chris-ross-wins-mind-game-against-terrence-jones-this-time-despite-suffering-another-busted-lip-a793-20190807?ref=feed_1_section https://www.pba.ph/gallery Salamat sa pagtangkilik at salamat sa suporta sa sports!
“Tres” Ross Di Nagpapigil sa ROS! | Ponferada Laban kay JMF, CStand | Isa Pang Chris Nagpaubaya Muna
Mainit ang naging panimula ng Rain or Shine Elastopainters sa gabing ito. Sa katunayan ay sa unang mga sandali ng kanilang laban kontra San Miguel ay naitala nila ang kanilang pinakamalaking kalamangan na 29 points. Pahiwatig na dapat ito ng isang blowout game na papabor sa Elastopainters. Dalangin na siguro nilang matapos na kaagad ang laro na hindi nakahahabol ang kalaban upang maitabla na ang serye. Ngunit sadyang mapagbiro ang tadhana para sa kanila. Unti-unting nag-iba ang daloy ng laro noong second quarter noong nagsimulang kumonekta ang mga tira ng mga taga-SMB. Ang malaking kalamangan ng Rain or Shine ay biglang nawalang parang bula. Anong nangyari? Ang magandang shooting ay lumipat sa Beermen at animo’y nawala sa laro ang kanilang kalaban. Law of averages. Napakataas ng porsyento ng Elastopainters sa umpisa ngunit sa pagtagal ay dumami na rin ang mga sablay. Chris Ross. Iyan ang pangalang maalala ng Rain or Shine sa gabing ito. Minarkahan nya ang buong team ng Rain or Shine sa pagkakaroon nya ng bagong career-high ngayon. Tatlumpu’t apat na puntos at ang 30 points doon ay nanggaling sa tres. Kilala natin si Ross sa kanyang depensa at playmaking sa loob ng court. Ngunit sya na rin ang nagsabi, alay nya ang larong ito para sa kanilang fallen comrade na si Marcio Lassiter dahil sa iniinda nitong injury. Para bang sumanib kay Ross ang shooting ni Marcio. Tinambakan na ng Rain or Shine pero nakahabol pa. At sa huli ay sila pa ang nakakuha ng panalo. Banggit nga ni Ross ay dahil na rin sa kanilang mga karanasan kaya napanatili nila ang kanilang composure kahit tila ba mahirap nang makabalik pa. Demoralizing o nakapanlulumo ang mga ganitong pagkatalo para sa ilan pero kung may silver lining o mapupulot mang aral ang Rain or Shine sa kanilang laban iyon ay ay kaya pala nilang malamangan nang ganoon ang San Miguel Beermen - kailangan lang nila itong masustain o mapanatili sa buong laro. Patungo sa ikatlong laban, paniguradong nag-uumapaw sa kumpiyansa ang SMB na may pagkakataon nang walisin at tapusin ang serye at makapasok sa finals. __ Patuloy nating suportahan ang #PBAonESPN5: https://www.youtube.com/channel/UCXDG9ue-emCN8Ad3h7lERqQ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. https://www.spin.ph/basketball/pba/austria-on-ross-fiery-shooting-yung-spirit-ni-lassiter-napunta-sa-kanya-a795-20190729?ref=feed_1_section https://www.spin.ph/basketball/pba/chris-ross-catches-fire-as-big-smb-comeback-leaves-rain-or-shine-on-the-ropes-a795-20190729?ref=home_featured_big https://www.spin.ph/basketball/pba/ros-coach-caloy-garcia-regrets-decision-not-to-call-timeout-at-height-of-smb-comeback-a793-20190729?ref=feed_1_section https://www.spin.ph/basketball/pba/smb-holds-breath-as-marcio-lassiter-taken-to-hospital-after-hurting-knee-a2437-20190724?ref=feed_7_section https://www.pba.ph/gallery Salamat sa pagtangkilik at salamat sa suporta sa sports!
Highlights
BINASTOS ni Aguilar ang Meralco Bolts! | May MAGIC Bunot! | HIGANTI ng mga HIGANTE!
Sa isang best of three na serye, kailangan mo ng dalawang panalo upang magtagumpay sa inyong engkwentro. Kung may ...
MINSAN lang MANGYARI sa ISANG KARERA | BALAKID sa DAAN | NLEX Road Warriors, SINAGASAAN ng Magnolia!
Isang serye na naman na ang magkalaban ay koponan ni RSA kontra sa team ni MVP. Malamang sa malamang, wala talagang ...
NLEX Road Warriors, BALAKID sa Kalaban! | Terrafirma, PUMAPALAG PA! | HINAGIS na lang, PUMASOK pa!
Salpukan na kaagad ng Dyip sa NLEX. Makapoporma kaya ang Terrafirma sa mga hari ng kalsada? O aarangkada lamang ang ...
BFF Mix ChannelUser Detail Page
You can find user latest posts and related content on the page. Friends, comments for events / matches are also available on the page. Even you can find users who are same pleasure with current user.#Travel, #SupportYourTeam, #AllAboutSports