PUSO Sports's user profile page. Match highlights, posts and more on site!“” Report User |
Latest Posts
NAKAGUGULAT! | MINSAN LANG ITO GAWIN NI CLARKSON | Jordan Clarkson Highlights
Rivalry. Ito ang unti-unting nabubuo sa pagitan ng Utah Jazz at Denver Nuggets. Nagharap noong nakaraang playoffs sa unang round na kung saan pinatunayan nila ang kani-kaniyang kalidad. Sa salita nga ni Jokic ay “intense” ang kanilang muling paghaharap sa gabing ito. Sa ganitong mga laban, may puwang ba ang manlalarong tulad ni Jordan Clarkson? #PUSOSports #JordanClarkson #Flamethrower Ang home team ay pinangunahan pa rin ng kanilang one-two-punch na sina Nikola Jokic at Jamal Murray na parehong umabot sa tatlumpu o higit pa ang naging puntos. Kaya naman hanggang dulo kakapit ka talaga dahil nandoon ang tsansa nilang manalo. Kung usapin lamang naman ng tsansa, ang pagkakataong ibinigay kay Clarkson ngayon, hinigitan pa ang produksyon nina Donovan Mitchell at Rudy Gobert sa aspeto ng scoring. Naaasahan pa rin ng Utah ang mga bira ni Jordan mula sa labas. Sa kanyang ambag nga ay nasigurado ng Jazz na sila ang magwawagi sa wakas. Team-high 23 points para kay JC. Rebelasyon kung rebelasyon ang kanyang bawat ipakita. At hindi nya ito ginawa kung saan malaki na ang kanilang kalamangan sa kalaban, ginawa nya ito sa mga sandaling dikdikan talaga ang magkabilang koponan. At hindi basta-basta nagpatinag ang ating kababayan. Sabi nga ay kapag pinoy, astig. Maging ang commentator na nga ay di makapaniwala sa ganda ng nilaro ng ni Clarkson para sa gabing ito. Bihira lamang kasing mangyari na manggagaling sa bench ang pangunahing magbibigay ng puntos para sa isang koponan lalo na’t napakataas talaga ng nibel ng kumpetisyon sa NBA. Bihira rin gawin ni Jordan ang mag-dunk at gumawa ng mga acrobatic o pabitin-bitin na mga layups. Patunay lamang din ito na maliban sa kanyang magandang porma sa tres at ang kanyang madalas na push shot ay marami pa nga itong nakatago sa kanyang arsenal. Kaya naman hirap din talaga sa syang madepensahan. Kung si Pepe may saranggolang matayog ang lipad, si JC may karerang maayos at patuloy na umaangat. Hatid ng kanyang mga kamay ang mga pangsunog sa mga kalaban na talaga namang nakapangugulat at nakamamangha. Sa lugar at larong iba ang sikat, pinatutunayan ni Jordan na kaya nyang magpasiklab. __________________________________________________________________________________ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. https://www.spin.ph/basketball/nba/jordan-clarkson-helps-jazz-to-5th-straight-beat-nuggets-a1642-20210118?ref=site_search https://www.nba.com/game/uta-vs-den-0022000200 Salamat sa pagtangkilik at salamat sa suporta sa sports!
Jordan, PUMUPUNIT ng NET ng KANYANG DATING TEAM! | FLAMETHROWER ng JAZZ | Jordan Clarkson Highlights
Dahil na rin sa pagkaka-postpone o di pagpapatuloy ng laro nila sa Washington, sa laban ng Utah Jazz kontra Cleveland Cavaliers na nga nagtapos ang roadtrip nina Jordan Clarkson. Sa isang koponang depleted o kulang ang mga manlalaro dahil sa mga injury, delubyo pa rin ang hatid nila JC. #PUSOSports #JordanClarkson #Flamethrower Ang Cavs nga rin ang koponan ni Clarkson bago sya ma-trade sa Jazz. Bagaman marami nang nabago sa lineup nila, alam pa rin siguro nila ang laruan ni Jordan. Sa isang pagkakataon pa nga ay sya ay nasupalpal nitong si Osman. Gayunpaman, agaran namang nakabawi ang ating kababayan. Nagtulong nga sila ni Donovan Mitchell upang ratratin ang kanilang kalaban mula sa three-point line. Pareho ngang nakapagtala ng limang tres ang dalawang gwardiyang ito. Dahil sa kanilang mga umaapoy na kamay, muntik na nga nilang mapantayan muli ang kanilang franchise-record na 25 three points sa isang laro nila kamakailan. Sa unang mga sandali pa nga lamang ng laro, nakapagbigay na ang sixth man ng Utah na si JC ng labing-apat na puntos – halos ito na rin ang numero ng kanilang kalamangan papunta sa second half. Di pa alintana ang pagod, nagtapos ang laro na sya ang pumapangalawa sa kanilang star player sa pagtatala ng 21 points na sinamahan pa ng 8 rebounds at 4 assists. May dalawang steals pa pala sya, patunay na sa gabing ito ay aktibo rin sya sa depensa. Kaunti man ang attempts, naipasok naman ni Clarkson ang lagpas sa kalahati nito. Dahil open ang karamihan sa kanyang mga tira bunga na rin ng magagandang pasa, ang pag-convert sa mga ito ay di naging problema. Di pa nga nya kailangan ng board para patunayang mahusay talaga ang kanyang pag-asinta. Punit ang net sa kanyang mga halos ringless na birada. Kapag nandiyan na ang bantay para mag-closeout, huli na dahil papasok na sa ring ang bola. Kung usapin lang naman ng punitan, Jordan Clarkson has been on a tear sa kanyang huling tatlong laro. 26 points sa Bucks, 18 points sa Pistons at 21 kontra Cavs, walang duda kung isa sya sa mga nangungunang players na galing sa bench. Akma marahil ang tawag na flamethrower ng Jazz. Kung mabibigyan ng pagkakataon, bagay kaya kung tawagin din syang flamethrower ng Gilas? __________________________________________________________________________________ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. https://www.spin.ph/basketball/nba/jordan-clarkson-donovan-mitchell-utah-jazz-cleveland-cavaliers-a2242-20210113?ref=site_search https://www.nba.com/game/uta-vs-cle-0022000159/box-score Salamat sa pagtangkilik at salamat sa suporta sa sports!
TUMAOB ang KALABAN ni Clarkson! | TINURUAN ng LEKSYON ang HINAING DEPENSA | Ang MATINDING BANSAG!
Oo, regular season pa lamang sa NBA. Pero ngayon pa lamang, marami nang highlights at replay-worthy plays itong si Jordan – ang isa sa mga designated sixth man ng kanyang koponan. Kapag ipinasok ni coach, di na nagpapatumpik-tumpik pa at agarang ipinamamalas ang kanyang halaga para sa Utah. #JordanClarksonJazz #Tumaob #PUSOSports Muling pinatotohananan ni Clarkson na karapat-dapat talaga sya sa bansag na flamethrower. Na dahil sa kanyang mainit na kamay at tuloy-tuloy na ambag sa opensa ng kanyang koponan, unti-unting natutusta at nasusunog ang kalaban. Kapag nagsimula na syang bumuga at kumonekta, mahirap na nga itong maapula. Marami kasing kayang pagkuhanan ng puntos itong ating kababayan at na-embrace o nayakap na nya marahil ang kanyang role o tungkulin para sa Jazz. Binabasa nya kung anong ibibigay sa kanya ng depensa at kung mabigyan ng kaunting espasyo, pinagbayarang malaki ito ng Milwaukee. Mapa-3 points o drive man iyan, tinuruan ni Clarkson ng leksyon ang kanyang mga bantay. Sa kanyang magandang pwestuhan sa tres, nakapag-ambag nga sya ng lima mula rito. Sa kanyang mga paboritong salaksak at floater inside the paint, nagkaroon ng variety sa kanyang pag-atake. Kaya naman ang isang gwardiya ng Bucks, napasayaw at bumagsak na lang. Jordan Clarkson. Isa sa mga pangalang paniguradong maaalala ni DJ Augustin ng Milwaukee Bucks para sa gabing ito sapagkat nakuhanan ng maraming camera ang kanyang pagbagsak habang binabantayan ang Utah Jazz player na ito. Parang “now you see me, now you don’t” ang nangyari na sa isang iglap ay nakita nya na lang ang sariling nakahandusay na sahig. Nagtapos ang larong angat ang Jazz kontra Bucks sa final score na 131-118. Kauna-unahang talo nina Giannis Antetokounmpo sa kanilang home court na kung saan nagpakitang-gilas talaga itong si JC sa pagtatala ng 26 points at anim na rebounds off the bench. Tinumbasan nya ang tiwalang ibinigay sa kanya ng kanyang coach at mga kakampi. Carpe Diem. Seize the day. Ito na nga marahil ang isa sa mga ginagawa talaga ni Jordan Clarkson sa tuwing sya ay nabibigyan ng pagkakataong maipasok sa loob ng court. Todo bigay para sa huli ay walang pagsisihan. Sulit na sulit ang kanyang bagong kontrata. Sulit na sulit ang bawat minuto. Hangad nating patuloy na may maibuga ang player na tinaguriang flamethrower. __________________________________________________________________________________ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. https://www.spin.ph/basketball/nba/record-3-point-night-helps-jazz-win-at-milwaukee-a994-20210109?ref=site_search https://www.spin.ph/basketball/nba/jordan-clarkson-most-loved-coachable-utah-jazz-a1931-20200819?ref=taboola https://kslsports.com/450415/jordan-clarkson-has-big-performance-for-jazz-in-first-half-against-bucks/ https://kslsports.com/437347/jazz-jordan-clarkson-comfortable-with-nba-return/ https://kslsports.com/450409/jazz-torch-net-from-distance-for-franchise-record-during-opening-quarter-against-bucks/ https://www.nba.com/schedule/jazz?pd=false https://www.youtube.com/watch?v=YNB0QsysmFA Salamat sa pagtangkilik at salamat sa suporta sa sports!
Ang KAKAIBANG GINAWA ni Jordan Clarkson sa ISANG OPISYAL! | HULING LARO | Hanep, Ano 'Yon?!
Ito na nga ang pinakahuling laro ng Utah Jazz para sa taong 2020. At ang kanilang kalaban, walang iba kundi ang Phoenix Suns na pinangunahan ng kanilang kilalang mga gwardiyang sina Chris Paul at Devin Booker. At sa video natin ngayon, partikular nating titingnan ang mga ginawa ni Jordan Clarkson sa gabing ito. Nagsilbing malaking tinik sa Jazz ang maganda at agresibong opensa ni Devin Booker na nagtala ng 25 points at 7 assists. Marahil ito na nga ang nagsilbing mitsa upang uminit din ang laro ng iba pang players ng Suns na kung saan anim nga ang lagpas sampu ang puntos sa end of regulation. Kung ang Suns mainit, sadyang nanlamig naman talaga ang Jazz sa tunggalian nilang ito. Nagmula lamang ang produksyon ng Jazz sa kanilang tatlong all-star players na sina Donovan Mitchell, Mike Conley at Rudy Gobert. At sinubok din namang tumulong ng kanilang sixth man na si Jordan Clarkson na nakapagtala ng labingdalawang puntos sa loob lamang ng labingsiyam na minuto. Kung puntusan lang din naman, kayang-kaya nga ito ng ating kababayan. Pero sa isang kakaibang pangyayari nga noong second quarter, pagkatapos ngang umiskor ni Jordan ay nagkaroon sya ng maikling diskusyunan sa isang technical official. Ito nga ay nagsimula noong pagtapos ng steal ni Clarkson ay bigla syang bumangga kay ref Karl Lane. Nabigyan nga sya ng technical foul dahil batay sa mga panuntunan sa NBA, strictly prohibited ang kahit anong contact sa mga referees. Gayunpaman, may mga nagsasabi na he would not have been slapped with that foul kung hindi na niya naitulak pa si Lane palayo. Kalabisan na marahil ang “shoving” kaya ganoon ang naging tawag. Kahit ganito pa man ang nangyari, hindi naman na-eject si Clarkson. Nagpatuloy pa nga syang magbigay ng kontribusyon para sa kanyang koponang naghahabol at naghahangad ng kanilang unang panalo sa kanilang homecourt. Di man pinalad na magwagi sa gabing ito, marami pa namang pagkakataong makabawi. Kasisimula pa lamang ng kanilang season. Pero sa paparating na bagong taon, bagong hamon na muli ang kanilang kakaharapin. At ang kanilang unang assignment para sa 2021, ang Los Angeles Clippers lang naman. Patuloy pa sana nating abangan at suportahan ang kababayang si Clarkson, Jordan. __________________________________________________________________________________ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. https://www.spin.ph/basketball/nba/jordan-clarkson-technical-foul-referee-contact-devin-booker-phoenix-suns-utah-jazz-a2028-20210101?ref=home_featured_2 https://kslsports.com/449851/jazz-guard-jordan-clarkson-assessed-technical-foul-after-shoving-referee/ https://clutchpoints.com/jazz-video-jordan-clarkson-shoves-referee-after-losing-ball-gets-hit-with-technical-foul/ https://www.insidesport.co/nba-free-agency-2022-how-phoenix-suns-managed-to-sign-chris-paul-by-doing-just-2-things-check-out/ https://www.youtube.com/watch?v=nP6zWJ3SH7g https://www.youtube.com/watch?v=1R8TsCDpeoE Salamat sa pagtangkilik at salamat sa suporta sa sports!
NAKALABAS ANG DILA! | MGA GINAWA NI JORDAN CLARKSON SA TEAM NI CHRIS PAUL | JAZZ vs SUNS
Halos dalawang linggo pa nga bago opisyal na sisimulan muli ng National Basketball Association ang kanilang season. Pero ngayon pa lamang preseason ay ...
KAKAIBA ANG PINAGDAANAN NI MARK CAGUIOA NGAYONG PBA FINALS | TENORIO MAY SOMETHING | CHAMP NA NAMAN!
Tuluyan na ngang nasungkit ng Barangay Ginebra Gin Kings ang kampeonato para sa 2020 Philippine Cup sa loob ng bubble na ginawa sa Clark, Pampangan. At sa video natin ngayon, titingnan natin ang mga kakaibang naganap at mga interesting na facts na dapat mong malaman sa champion team. #WeAreGINE13RA #PUSOSports #PBABubbleChampion Hindi rin naman madaliang sinuko ng kanilang katunggali ang laban. Kahit na injured ang mga manlalaro nilang sina Jayson Castro at Ray Ray Parks, Jr. na kung saan hindi nga sila nakapaglaro para sa gabing ito, ang kanilang depleted lineup nga ay ginawa pa rin ang kanilang makakaya upang bigyan ng magandang laban ang mga taga-Barangay. Saludo tayo sa mga ipinakitang gilas nina RR Pogoy, Simon Enciso, Troy Rosario at JP Erram. Sina Pogoy at Poy nga, kahit na may iniindang mga pananakit at hirap sa paghinga habang naglalaro ay sila pa rin ang nagbigay ng karamihan sa puntos ng TNT Tropang Giga. 23 points para kay Roger, 18 points para kay John Paul, 17 points para kay Simon at 12 points para kay Troy. Ngunit sa gabing ito, ang halos labingtatlong taong tagtuyot ng Ginebra para tanghaling champs ng Philippine Cup ay tuluyan nang natapos. 13 long years. At sa gabing ito, 13 points ang naging ambag ni Stanley Pringle na isa rin sa mga pinakaconsistent na manlalaro ni coach Tim para sa seryeng ito. Kahit naman anim na puntos lang ang ambag ni Iskati, nakapagtala pa rin naman sya ng pitong rebounds at tatlong assists. Ang pangunahing nagdala nga sa opensa ng Ginebra ngayon ay si Japeth Aguilar. Bagaman mabilis nasungkit ang kanyang unang dalawang fouls, dahan-dahan naman syang nakabuo ng momentum patungo sa kanyang 32 points na sinamahan pa ng 9 rebounds at tatlong steals. Kung interesting facts lang din naman, ang tinanghal ngang finals most valuable player ngayon para sa Ginebra ay naging katunggali pa nila sa nakaraang PBA Philippine Cup Championship nila noong 2006-2007 season nang kaharapin ng Gin Kings ang kanilang kapatid na San Miguel Beermen. Ayos din talaga ang tadhana. Samantalang si Mark “The Spark” Caguioa, kakaiba rin ang baon-baon para sa kanilang championship ngayon. Alam nyo bang siya na lang ang natatanging player na natira sa team nila noong nag-kampeon sila ng All-Filipino 13 years ago? Hindi man naglaro ng kahit ni-isang minuto sa buong serye nila kontra TNT, alam mong naibahagi rin naman nya ang kanyang karanasan at wisdom sa mga kapwa manlalaro ng Barangay. Sa kanyang pa-selfie selfie habang awarding, nandoon ang kanyang tuwa at ligaya. Muli syang nag-champion kahit na limitado ang playing time. Ito na ba ang magiging kanyang huli? Banggit nya nga sa mga nakaraan niyang panayam, nakalulungkot at mahirap mang isipin pero hahantong din daw talaga sya roon. Ano sa tingin ninyo? Napapanahon na bang siya ay mag-retire? Noong 2006-2007 all-filipino championship, 0-2 ang kanilang simula. Ngayon 2-0 kaagad sila kontra Tropang Giga. Magkaiba man ang daan tungo sa tagumpay, nakamit pa rin naman nila ang kanilang pinaka-aasam-asam. Di kinailangan ng import. Virtual man ang sigaw ng mga fans, damang-dama pa rin ang support. Congratulations sa Barangay Ginebra para sa isa na namang panalong makasaysayan. __________________________________________________________________________________ Patuloy nating suportahan ang #PBAonESPN5: https://www.youtube.com/channel/UCXDG9ue-emCN8Ad3h7lERqQ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. https://www.spin.ph/basketball/pba/cone-insists-tnt-coached-brilliantly-with-shorthanded-squad-a795-20201209?ref=home_hybrid_2 https://www.spin.ph/basketball/pba/cone-hopes-greg-slaughter-mark-caguioa-return-for-2021-a795-20201209?ref=home_hybrid_2 https://www.spin.ph/basketball/pba/cone-hopes-ginebra-goes-down-as-only-bubble-champion-in-pba-history-a795-20201209?ref=home_hybrid_2 https://www.spin.ph/basketball/pba/la-tenorio-crowns-first-ph-cup-title-with-finals-mvp-award-a795-20201209?ref=home_hybrid_2 https://www.spin.ph/basketball/pba/ginebra-is-pba-philippine-cup-champ-after-beating-tnt-in-game-5-a795-20201209?ref=home_hybrid_2 https://www.spin.ph/basketball/pba/thought-of-retirement-makes-mark-caguioa-sad-emotional-a793-20201019 https://www.pba.ph/recap https://www.pba.ph/gallery Salamat sa pagtangkilik at salamat sa suporta sa sports!
GRABE ANG GINEBRA! WINAWASAK ANG KUMPIYANSA NG TROPANG GIGA! | POGOY KANINO KINUMPARA NI TIM CONE?
Ikaapat na yugto ng kanilang paghaharap. Mahalaga ang larong ito para sa Tropang Giga dahil may pag-asa silang makapantay muli kung sakaling sila ang manalo. Kung ang magwagi naman ay ang Barangay Ginebra, isang panalo na lang ay maaari na nilang makamit ang kanilang kampeonatong pinakamimithi. #PUSOSports #GSMvsTNT #TNTvsGSM Alam naman nating hindi pa nga muling nakapaglalaro si Parks matapos ang kanyang strong showing noong Game 1. Nadagdagan pa nga ang suliranin ng TNT nang sa gabing ito ay hindi nga rin masyadong nakapaglaro si Jayson Castro dahil sa kanyang mga iniindang injuries sa tuhod. Sinubok pa rin namang punan ng iba nilang Tropang sina JP Erram at Troy Rosario ang mga numerong ibinibigay ng kanilang mga kakampi. Sila nga ang mga big men na nagsilbing sandigan ng TNT upang magbigay ng suporta. Naging mahalaga nga ang kanilang ambag dahil kung wala sila, higit na mahihirapan ang kanilang koponan. Ibang klase pa rin talaga itong si RR Pogoy. Hands down, sya ang pinaka-consistent na manlalaro ng Tropang Giga. Nakalapit sila sa dulo dahil sa kanyang mga sunod-sunod na pagpuntos. At sa sobrang init nga raw ng kanyang laro ay ayaw hawakan ni Tim Cone ang kanyang kamay. Sa sobrang init ng kanyang laro, naihambing pa nga sya sa “The Triggerman” na si Allan. Ngunit sa gabing ito, higit na angat talaga ang laro ng Gin Kings. Mukhang gumana ang ginawang taktika ng kanilang coach upang masolusyunan ang kanilang kapaguran. Banggit pa nga ni Coach Tim na ginaya nya ang kadalasang ginagawa sa NBA na kung saan nabigyan ng sapat na pahinga ang kanyang mga mandirigma. Ang resulta ay tila sila ang mas may enerhiya kumpara sa kanilang kalaban. Ang bounce sa laro ni Japeth Aguilar na mabilis na nakababa sa depensa o nakatatakbo sa fastbreak ang isa sa mga patunay rito. At bilang mga exclamation points, tinatapos nya ang mga plays na may foul counted o sa pamamagitan ng mga naglulupitang dunks. Kung si Japeth may mga dunks, hindi rin naman nagpahuli si Stanley Pringle sa kanyang mga highlights. Nandoon ang kanyang ambag sa opensa sa pamamagitan ng kanyang mga tres at mga salaksak. May isang pagkakataon pa nga na grabe ang pagbali sa ereng kanyang ginawa para lamang makatira. Ang mga kontribusyon ni Scottie Thompson, nandoon din. Kahit anong ipagawa mo sa kanya, kaya nya. Muntik na nga rin syang makapag-triple double na naman. Sa kanyang stats na 11 points, 11 rebounds at 9 assists, nakakuha si Coach Tim ng glue guy para sa kanyang team. Kung si Pogoy inilarawan ng Gin Kings na sobrang init, si LA Tenorio tinawag nyang cold-blooded. Tila he had ice in his veins sa gabing ito dahil na rin sa kanyang ipinakitang composure na kung saan hindi nga sya nagpakain sa pressure. Sa mga bitaw ni RR, palagi syang may sagot. Tulad ni Japeth na may 22 points, nasa Gineral nga nila ang huling halakhak at winakasan ang pag-asang manalo ng kalaban. Lumalaban ang Tropang Giga ngunit sadyang masyadong malaki marahil ang kalamangang kailangan nilang habulin kaya sa dulo sila ay kinulang. Tulad ng respetong binigay ni Tim Cone, hanga rin talaga tayo sa mga individual performances na ginagawa ng TNT. Iyon nga lamang ay hindi ito nagiging sapat. May ilang araw pa sila upang makapag-regroup at makapag-recover. Ano sa tingin ninyo? Kaya na bang tapusin ng Ginebra ito sa susunod na laro? Nasa kanila na muli ang momentum at isang panalo na lang makakamit na nila ang tagumpay. Buong-buo ang kanilang kumpiyansa dahil tatlong sunod na panalo pa ang kailangang gawin ng Tropang Giga para lang sila ang mag-kampeon. The next game will be an entirely different ball game. Abangan natin ang mga mangyayari sa Miyerkules. __________________________________________________________________________________ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. https://www.spin.ph/basketball/pba/cone-compares-roger-pogoy-to-allan-caidic-after-hot-shooting-in-game-4-a795-20201206?ref=home_hybrid_2 https://www.spin.ph/basketball/pba/cone-glad-to-see-cold-blooded-la-tenorio-heroics-trump-pogoy-show-a795-20201206?ref=home_hybrid_2 https://www.spin.ph/basketball/pba/la-tenorio-makes-tnt-defense-pay-gets-last-laugh-vs-pogoy-in-late-shootout-a793-20201206?ref=home_hybrid_2 https://www.spin.ph/basketball/pba/cone-takes-page-off-nba-playbook-as-rejuvenated-ginebra-plays-best-game-in-bubble-a795-20201206?ref=home_hybrid_2 https://www.spin.ph/basketball/pba/ginebra-vs-tnt-game-4-recap-box-scores-a795-20201206?ref=home_hybrid_2 https://www.spin.ph/basketball/pba/jayson-castro-injury-bone-spurs-knee-injury-a793-20201206?ref=article_next_featured https://www.pba.ph/recap https://www.pba.ph/gallery Salamat sa pagtangkilik at salamat sa suporta sa sports!
BINUHAT NANG MATINDI ANG BARANGAY GINEBRA! | NAPUNTA SA WALA ANG LARO NYA | NAKO PO! INULIT NA NAMAN
Noong unang laro nila sa Finals, binigyan tayo ng TNT Tropang Giga at Barangay Ginebra ng isang napakagandang laban – sa katunayan ay umabot pa nga ito ng overtime. Ngayon naman, pinaunlakan pa rin nila tayo ng isang di malilimutang tunggalian. Na hanggang sa dulo, dapat mong abangan. #PUSOSports #GSMvsTNT #Iskati Nakapag-contribute man ngayong gabing ito ang iba pang star players ng Tropang Giga na sina Jayson Castro, Troy Rosario at JP Erram, alam nating kaya pa nilang higitan ang kanilang nagawa. At para sa iba pa nilang kakampi, kailangan din talagang may mag-step-up pa. Buti na lang din sa gabing ito ay kahit papaano ay may nakuha sila mula kay Simon Enciso. Bagaman wala si Ray Ray Parks Jr. dahil sa kanyang iniindang injury, to the rescue naman si Roger Pogoy. Single-handedly sinubukan nyang buhatin ang kanyang koponan tungo sa tagumpay. Hindi nya sinayang ang mga binigay sa kanyang mga dagdag na pagkakataong tumira. Natapos nga ang laro na sya ang top scorer sa magkabilang panig sa pagtatala ng 38 points. Nahirapan man ang Gin Kings na depensahan si RR Pogoy, nakahanap naman sila ng ibang paraan upang hindi sila maiwanan. Malaki nga ang naitulong dito ni Aljon Mariano - 10 points noong crucial run nila noong 3rd quarter. Hindi flashy pero gamit-gamit ang kanyang magandang footwork, nakalulusot sya sa kanyang mga bantay. Kung ang TNT may RR, big night din talaga ito para kay Stan the Man. Si Pringle nga ang nanguna sa opensa ng Ginebra. 34 point na sinamahan pa ng anim na rebounds at walong assists. Mainit nga rin ang kanyang kamay sa gabing ito. Pero sa dulo, sa halip na sya ang tumira, he created a shot for his teammate. The game winning shot. Bagaman tulad nina LA Tenorio at Japeth Aguilar na malayo ang naging laro ngayon kumpara noong Game 1, nandoon pa rin ang kumpiyansa ni Tim Cone para sa kanyang mga manlalarong tulad ni Scottie Thompson. At sa mga crucial moments nga ay hindi sya binigo ni Iskati. Isang beses man lamang naka-shoot, siniguro ni Thompson na papasok ang kanyang tira sa tres. Ang pinakamabigat sa lahat – parang iyong tira nya kontra Meralco na dahilan kung bakit sila nasa finals ngayon. Dalawang magkasunod na talong susubok sa tatag ng TNT Tropang Giga. May pag-asang sila ang manalo pero sa huli ay kumakawala pa sa kanila. Kinukulang ng kapit sa dulo. Pero kung nais pa rin naman nilang makuha ang kampeonato, kailangan na nilang kalimutan ang mga nangyari at maghanda na muli sa susunod na laban. Para sa Ginebra naman, maganda ang tinatakbo nila ngayon. Pumapasok ang kanilang mga tira. Pero kailangan ng dalawang panalo pa. Gaya ng sabi ni Aljon, wala pa talaga silang napatutunayan dahil kulang pa. Ano sa tingin ninyo ang kahihinatnan ng mga susunod pang laro? __________________________________________________________________________________ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. https://www.spin.ph/basketball/pba/tnt-coach-ravena-on-game-2-loss-to-ginebra-we-were-outsmarted-by-them-a793-20201202?ref=feed_1_section https://www.spin.ph/basketball/pba/despite-shooting-woes-thompson-never-wavered-to-take-three-point-shot-with-game-on-the-line-a793-20201202?ref=article_reco_slide https://www.spin.ph/basketball/pba/roger-pogoy-motivated-to-win-his-first-pba-title-with-tnt-a2244-20201201?ref=feed_1_section https://www.spin.ph/basketball/pba/cone-expects-scottie-thompson-to-command-respect-for-three-point-shot-from-now-on-a795-20201202?ref=feed_1_section https://www.spin.ph/basketball/pba/scottie-thompson-saves-day-as-ginebra-takes-2-0-lead-over-tnt-a795-20201202?ref=feed_1_section https://www.spin.ph/life/guide/thompson-trends-on-twitter-in-ginebra-tnt-game-2-a1374-20201202?ref=article_reco_slide https://www.pba.ph/recap https://www.pba.ph/gallery Salamat sa pagtangkilik at salamat sa suporta sa sports!
Highlights
TNT, PINASABUGAN ang Kanilang Kalaban! | MAINIT! KABAGO-BAGO pa lang! | TNT vs Blackwater highlights
TNT Tropang Giga kontra sa Blackwater Elite. Isang koponang kasalukuyang nasa tuktok ng standings habang ang isa naman ay ...
James Yap, BINASAG ang KATAHIMIKAN! | EKSENA ay INAGAW, One Million | MATABA NOON, KUNDISYON NGAYON
Alam naman na natin ang kinahinatnan ng laban sa pagitan ng Meralco Bolts at Rain or Shine. Pumabor ang laban sa koponang ...
Gin Kings, PINAYANIG ang MOA Arena! | Kobey at Dragons, GUSTO pang HUMABOL! | Ginebra vs Bay Area
Sa harap ng record crowd sa loob ng MOA Arena, naganap ang larong maituturing mo nga naman talagang pivotal. Game 5 na ...
Noypi Brownlee, MATINDI! | MAGUGULAT ka sa NANGYARI PAGKATAPOS! | Ginebra vs Bay Area
Noong unang nagharap ang koponan ni Coach Brian Goorjian at ang Barangay Ginebra San Miguel noong eliminations, ...
NABIGLA ang LAHAT sa NANGYARI | ILANG BESES GINAWA kay ABAY | TITIKLOP na lang ba?! | SMB vs Dragons
Halos magkapantay ang magkabilang koponan. Ang isang mabigat na koponan sa PBA na sobrang stacked ang lineup, kontra ...
WOW! MINSAN lang GAWIN ni Justin Brownlee | Ex-Ginebra Player MAINIT | Ginebra vs Northport
Sino ang manok mo sa sagupaang Northport at Barangay Ginebra? Exciting ang larong ito. Sa dami ng spectacular plays dahil sa ...
Flamethrower ng Jazz, NANALASA na NAMAN! | PINAKABA ng KAUNTI | Jordan Clarkson, NAPASAYAW pa nga!
Sino bang hindi masasabik na makita ang iyong mga kababayan na magpakitang-gilas sa harap ng pinakamalaking entablado ...
Beermen at Bolts, NAGKABARILAN! | CJ, MASYADONG MAINIT | HINDI ka MANINIWALA sa Kanyang GINAWA!
Sino sa inyo ang masugid na tagasubaybay pa rin ngayon ng PBA? All-out war pa rin ang bakbakan dahil ang magkakalaban ay ...
Jim De RamosUser Detail Page
You can find user latest posts and related content on the page. Friends, comments for events / matches are also available on the page. Even you can find users who are same pleasure with current user.#Travel, #SupportYourTeam, #AllAboutSports