BUMAGSAK si Tenorio! MAY KASAMA PANG FOUL! | NASIRAAN NG LOOB ang Road Warriors | RESBAK NG GINEBRA

Mainit-init pa mula noong ginilitan nila ng leeg ang isang koponan ni MVP, ngayon naman ay isa pa ring koponan na nasa parehong hanay ang susubukang pagbagsakin ng Barangay Ginebra. Ngunit basta-basta na lang bang isusuko ng NLEX Road Warriors ang panalo eh tila sila ang magsisilbing resbak ngayon ng kanilang mga kapatid? #PUSOSports #BarangayGinebra Walang sinayang na pagkakataon si Kevin Alas upang pangunahan ang arangkada ng koponan ni Coach Yeng Guiao para sa gabing ito. Buong loob siyang umaatake sa loob at mayroong mga pagkakataong nakapag-coconvert siya ng mga buslo mula sa labas. Kaya naman para kanilang digmaan ngayon, siya ang kaisa-isang local player ng NLEX na nakaabot ng dobleng numero sa pagpuntos. Habang ang import nilang si Cameron Clark, sinusubukan pa ring pantayan ang produksyon ng kanyang pinalitang import na si KJ McDaniels. Hindi man ganoong ka-flashy at ka-dominante ni KJ, nandoon pa rin naman ang mga numerong inaasahan sa kanya ng kanyang koponan – tatlumpung puntos at labingtatlong rebounds para sa bagong reinforcement ng Road Warriors. Ang tambalang LA Tenorio at Scottie Thompson, iniwang wasak ang loob ng kanilang mga bantay. Ang mga gwardiyang ito ang nagtimon at nag-kontrol ng laro para sa Gin Kings. Kung si Tenyente mayroong 19 points, 6 assists, at 6 rebounds, hindi rin naman nagpapigil si Iskati sa pagkakaroon ng double-double. Saktong nagcocomplement o nababagay ang kanilang enerhiya sa lakas ng hiyaw ng kanilang mga fans. Anong masasabi ninyo sa laruan ngayon nina Arvin Tolentino at Christian Standhardinger? Higit na malaking bagay ngayon ang kanilang mga ambag sapagkat kakailanganin nilang punan ang mga numerong iniwan ni Japeth Aguilar – ang kanilang fallen comrade. Kapag may isang manlalarong bumagsak, naging next man up ang kanilang naging mentalidad. Bagaman higit na mataas ang puntos ng kabilang import sa kanya, hindi ito masyadong alintana ngayon ni Justin Brownlee dahil, ibig sabihin marahil ay higit na maraming resbak sya na nakatulong sa kanya sa gabing ito. Gayunpaman, nananatiling solido pa rin ang kanyang mga naging numero na kung saan siya pa rin ang nanguna sa puntos at rebounds ng Barangay Ginebra. Dalawampu’t pitong puntos at labing-apat na rebounds. Nakauna na ang Gin Kings. Ngunit buhay pa naman ang Road Warriors. Kanino kayo para sa seryeng ito? Pareho namang hitik sa talento ang mga manlalaro kaya kaabang-abang ang mga susunod pang laban. Maging dagdag na factor kaya ang sigawan ng mga fans na alam naman natin kung sino ang sinusuportahan ng karamihan? O magawan ito ng paraan ng kabilang koponan? __________________________________________________________________________________ Patuloy nating suportahan ang #PBAonOneSports: https://www.youtube.com/channel/UCXDG9ue-emCN8Ad3h7lERqQ Manood ng live! Patuloy nating suportahan ang Pinoy basketball. Patuloy nating suportahan ang Pinoy sports. PUSO! This video is edited under fair use. No copyright infringement is intended. Credits to the owner of the images, video clips, etc. https://www.pba.ph/recap https://www.pba.ph/gallery Salamat sa pagtangkilik at salamat sa suporta sa sports!