europop's user profile page. Match highlights, posts and more on site!“” Report User |
Highlights
სადებიუტო ევროზე ასპარეზობა დავასრულეთ
ევრო 2024-ის პლეი ოფი დაიწყო, პირველი მატჩი მოქმედ ჩემპიონ იტალიასა და შვეიცარიას შორის გაიმართა, საპალეტის გუნდმა უშანსოდ წააგო და ჩემპიონატს 1/8-ფინალიდან გამოეთიშა. მასპინძელმა გერმანიამ კი დანიას უმასპინძლა და სახლში მორიგი გამარჯვება მოიპოვა. მეორე სათამაშო დღე სლოვაკეთი-ინგლისის მატჩით დაიწყო. დღის მეორე შეხვედრა კი საქართველოს ეროვნულ ნაკრებსა და ესპანეთს შორის შედგება. ისტორიული მატჩის დასრულების შემდეგ, ევროპოპლაივში გიორგი კალატოზი, ტატო ბაციკაძე და გიორგი უგულავა განვლილ შეხვედრებს შეაფასებენ
ახალი ისტორია დაიწერა - ევროს პლეი ოფში ვართ!
ევრო 2024 ჯგუფური ეტაპი სრულდება, გერმანიამ, შვეიცარიამ, ესპანეთმა, იტალიამ, ინგლისმა, დანიამ, ავსტრიამ და საფრანგეთმა მერვედფინალის საგზურები მოიპოვეს, პლეი ოფში გასული დანარჩენი გუნდების ვინაობა დღეს გაირკვევა. საქართველოს ეროვნულ ნაკრებს ბოლო მატჩის წინ მძიმე ამოცანა აქვს, სანიოლის გუნდს შემდეგ ეტაპზე გასასველად ტურნირის ერთ-ერთი მთავარი ფავორიტის, პორტუგალიის დამარცხება მოუწევს. მატჩების დასრულების შემდეგ, ევროპოპლაივში გიორგი კალატოზი, ტატო ბაციკაძე და სანდრო ცნობილაძე ევროპის ჩემპიონატის ჯგუფურ ეტაპს შეაჯამებენ. გერმანიიდან კი საქართველოს ნაკრების ვეტერანი ფეხბურთელები, თემურ ქეცბაია და ლევან ყენია ჩაგვერთვებიან.
პირველი ქულა ევროზე - გამარჯვებასთან ძალიან ახლოს ვიყავით...
საქართველოს ეროვნული ნაკრები ევროპის ჩემპიონატზე მეორე მატჩს ქალაქ ჰამბურგში ჩეხეთის წინააღმდეგ გამართავს. თამაშის დასრულების შემდეგ, გიორგი კალატოზი, გიორგი კაკაბაძე და ვაკო ყიფიანი ევროპოპლაივის სტუდიიდან განვლილ შეხვედრაზე ისაუბრებენ, ჰამბურგიდან კი საქართველოს ნაკრების ლეგენდები, შოთა არველაძე და თემურ ქეცბაია ტატო ბაციკაძესთან ერთად ჩაგვერთვებიან.
დასანანი მარცხი ევროს სადებიუტო მატჩში
მოვიდა დღე, რომელსაც მთელი საქართველო ძალიან დიდი ხანი, სულმოუთქმელად ველოდით, ჩვენი ეროვნული ნაკრები ევროპის ჩემპიონატზე პირველად ითამაშებს. მატჩი გერმანიის ქალაქ დორტმუნდში, ვესტფალენშტადიონზე, თურქეთის წინააღმდეგ გაიმართება. თამაშის დასრულების შემდეგ, ტატო ბაციკაძე, გიორგი კაკაბაძე და სანდრო ცნობილაძე ისტორიულ თამაშზე ევროპოპლაივის სტუდიიდან ისაუბრებენ, საქართველოს ნაკრების ლეგენდარული ფეხბურთელი, შოთა არველაძე კი დორტმუნდიდან პირდაპირ ეთერში ჩაგვერთვება.
ესპანეთის დომინაცია - ინგლისს ბელინგემმა მოაგებინა
ევრო 2024 მეორე სათამაშო დღე უნგრეთისა და შვეიცარიის მატჩით გაიხსნა და ამ უკანასნელთა გამარჯვებით დასრულდა. დღის ცენტრალურ მატჩში ესპანეთი ხორვატიას დაუპირისპირდა და დამაჯერებლად მოუგო, ბოლო შეხვედრა კი ევროპის მოქმედ ჩემპიონ იტალიასა და ალბანეთს შორის გაიმართა, სპალეტის გუნდმა გოლი პირველივე წუთზე გაუშვა, თუმცა მალევე დააქამბექა და 3 ქულა მოიპოვა. ჩემპიონატის მესამე დღე ჰამბურგში პოლონეთი-ნიდერლანდების მძიმე ბრძოლით დაიწყო, კუმანის გუნდმა გაკპოს და ვეგჰორტსის გოლებით დააქამბექა. მეორე თამაში სლოვენიასა და დანიას შორის გაიმართება, დღეს კი სერბეთისა და ინგლისის მატჩი დახურავს, რომელიც ფეხბურთის ქომაგებში დიდ ინტერესს იწვევს. თამაშების დასრულების შემდეგ, ევროპოპლაივში ტატო ბაციკაძემ, გიორგი კაკაბაძე და გიორგი ბაქრაძე განვლილ შეხვედრებზე და მიმდინარე ევროზე ისაუბრეს.
EURO 2024 გერმანიის შთამბეჭდავი გამარჯვებით დაიწყო
ევრო 2024 დაიწყო. გახსნით მატჩში მასპინძელმა გერმანიამ შოტლანდიას გაანადგურა. მატჩის დასრულების შემდეგ, ტატო ბაციკაძემ, გიორგი კალატოზმა და გიორგი ჯანელიძემ განვლილ შეხვედრაზე და მიმდინარე ევროზე ისაუბრეს.
საქართველოსთვის ისტორიული ევროპის ჩემპიონატი იწყება
საქართველოსთვის ისტორიული, სადებიუტო ევრო 2024 იწყება. ჩემპიონატის დაწყებამდე ტატო ბაციკაძე, გიორგი კალატოზი და გიორგი უგულავა მოახლოებულ ტურნირზე, საქართველოს პერსპექტივებსა და მთავარ ფავორიტებზე ისაუბრებენ.
ევროპის ჩემპიონატს გამარჯვებით ვხვდებით
საქართველოს ნაკრები ისტორიული, სადებიუტო ევროპის ჩემპიონატისათვის ემზადება, სანიოლის გუნდმა ავსტრიული შეკრება დაასრულა და პოდგორიცაში მონტენეგროს წინააღმდეგ ამხანაგურ შეხვედრას გამართავს. თამაშის დასრულების შემდეგ, ევროპოპლაივში ტატო ბაციკაძე, გიორგი კალატოზი და სანდრო ცნობილაძე ეროვნული გუნდის ირგვლივ ისაუბრებენ.
User Detail Page
You can find user latest posts and related content on the page. Friends, comments for events / matches are also available on the page. Even you can find users who are same pleasure with current user.#Travel, #SupportYourTeam, #AllAboutSports