Grótta tók á móti Akureyri í 25. umferð Olís deildar karla þann 17. mars 2016. Bæði lið eru í harðri baráttu um að ná sem bestu sæti í úrslitakeppninni auk þess sem Akureyri gat enn fallið. Eftir hörkuleik þar sem Seltirningar leiddu lengst af varð jafntefli niðurstaðan og því enn gríðarleg spenna fyrir miðri deild. Á sama tíma lögðu Víkingar ÍR og er Akureyri því öruggt með sæti í deildinni að ári og er komið í úrslitakeppnina.