Lið Stjörnunar var sannarlega mætt til leiks í kvöld þegar þeir tóku á móti Grindavík í leik öðrum leik 8 liða úrslitum Iceland Express deildarinnar. Justin Shouse, leikstjórnandi liðsins dreifði spilinu mun betur en undafarið og fyrir vikið voru fleiri að finna sig í sókninni. Fannar og Renato Lindmets áttu að vísu í fullu fangi með Pettinella undir körfunni hjá Grindavík en tókst þó hægja á honum frá því í 1. leiknum. Páll Axel var frábær í byrjun leiks og skoraði 12 af fyrstu 16 stigum Grindavíkur. Varnarleikur Stjörnunnar var þó allt annar en í 1. leiknum og meira að segja Jovan Zdraveski var farinn að spila hörkuvörn um tíma í leiknum Nick Bradford til mikils ama. Staðan í hálfleik var 44 - 38 fyrir Stjörnunni. Í 3. leikhluta var Stjarnan aftur ákveðnara liðið og greinilega mikið í mun að verja heimavöllinn af krafti. Kröftug troðsla Renato í hraðaupphlaupi gaf Stjörnumönnum aukin meðbyr en í næstu sókn á eftir svaraði Ólafur Ólafsson eins og honum einum er lagið og með troðslu yfir vörn Grindavíkur. Grindavík náði 50 stiga markinu þegar ein mínúta var eftir af leikhlutanum og endaði leikhlutan í 51 stigi en Jovan kláraði leikhlutan fyrir Stjörnuna með 3gja stigakörfu á lokasekúndunum og Stjarnan fór þá með 67 stig í 4. leikhlutan. Um miðjan 4. leikhluta náði Grindavík ágætri 2-3 svæðisvörn fínu áhlaupi og tókst að minnka munin í 13 stig en sóknarfráköst og barátta Stjörnumanna hélt þeim á floti. Grindavík náði lítið lengra en það og náði í raun aldrei að stoppa þá Renato og Jovan sem enduðuð leikinn með 29 og 20 stig. Justin skoraði 23 stig og gaf 7 stoðsendingar en sóknarleikur Stjörnunar var bestur þegar hann sendi boltann og boltinn fékk að ganga. Hjá Grindavík var Páll Axel stigahæstur með 27 stig og Ryan Pettinella var með 13. Nick Bradford og Ólafur Ólafsson voru með 10 stig hvor. Leikbrot.is