تابعني على حساباتي : سناب : https://www.snapchat.com/add/i_majeed97 تويتر : https://twitter.com/i_majeed97?s=20 انستقرام : https://t.co/TAKSHi42YE?amp=1 للتواصل على الايميل : imajeed10610@gmail.com الهلال يتعاقد مع عبدالله الحمدان ليه وقع معه وكيف راح يستفيد منه ؟ معكم اعلن نادي الهلال تعاقده مع لاعب الشباب عبدالله الحمدان كانتقال حر وتتفاوض ادارة الهلال مع ادارة الشباب للتنازل عن الـ٦ شهور المتبقية من العقد عبدالله الحمدان صاحب ٢١ سنه يعتبر واحد من افضل المواهب السعودية في الفترة الاخيرة مهاجم متأسس صح يمتلك بنيه جسمانيه ممتازة وعنده هامش كبير للتطور وغير كذا عنده كاريزما وشخصيه بالملعب الحمدان مثل الشباب في الفئات السنية حتى الفريق الاول وكذلك مع المنتخب تدرج الى المنتخب الاول واصبح الان مهاجم السعودية الاولى واحترف خارجيا فترة بسيطة مع نادي رايو فاليكاو الاسباني. طيب ليه وقع معه الهلال وكيف راح يستفيد منه ؟ قبل كل شيء اللاعب حر يعني ماراح يدفع الهلال الا راتبه فقط وثانيا يعتبر المهاجم الصاعد الاول في السعودية ومستقبل الهجوم لندرة المهاجمين في وقتنا الحالي الظفر بخدمات الحمدان مكسب كبير لاي نادي وهذا الموسم قاعد يقدم اداء ممتاز مع الشباب ويعتبر اكثر لاعب سعودي ساهم بالاهداف هذا الموسم ساهم بـ١٠ اهداف وهو تقريبا نصف المباريات مابداها كاساسي رقم ممتاز جدا لكن لو نظرنا للاحصائية نجده سجل هدفين فقط وصنع ٨ وهذي ممكن تكون ميزه وممكن تكون عيب الميزة هي انه يلعب خارج الصندوق ويتساعد مع زملاءه والعيب هو قلة التسجيل والمهاجم اهم ميزه فيه هي التسجيل فلو صنع ١٠٠ هدف وهو مايسجل ماراح ترضى الجماهير عليه واعطيكم مثال للاعب سابق في الهلال وهو الميدا كان يمتاز بهذي الميزة وهي التحرك والصناعة ولكن كثير من جماهير الهلال ما حبته بسبب انه مايسجل كثير بتوقيعك مع الحمدان انت ضمنت لاعب للمستقبل لاعب يعتبر المهاجم الاول في السعودية حاليا ومثل ماقلنا عنده هامش كبير للتطور فعلى جماهير الهلال الصبر على اللاعب وعدم حرقه بالانتقادات هو ما جاء عشان يكون اساسي على طول اللاعب عمره ٢١ سنه فقط .. بالتدرج يمسك الخانة. وبالتوقيع مع الحمدان ادارة الهلال تستمر في التوقيع مع اللاعبين الشباب لتجديد دماء الفريق بلاعبين صغار عبدالله الحمدان / 21 عام فقط حمد اليامي / 21 عام فقط فواز الطريس / 23 عام فقط حبيب الوطيان / 24 عام فقط هذي التعاقدات مهمة جدا للمستقبل فلاعبين الهلال حاليا معدل اعمارهم كبير المعيوف والفرج وسالم والبليهي والشهراني تقريبا كلهم حول الـ٣٠ فمهم جدا تطعم الفريق بلاعبين شباب عشان بعد سنتين الى ثلاث يكونون جاهزين لقيادة دفة الهلال وبس هذا اللي كان عندي حول تعاقد الهلال مع عبدالله الحمدان قلي رايك تحت بالكومنت عن الصفقة ويعطيكم العافية.