Derrick Rose, isang pangalan na umaalingawngaw sa mga taong mahilig sa larong basketball sa buong mundo, isang manlalaro na nagtagumpay sa hindi mabilang na mga hamon sa buhay upang maging isang superstar. Ang kwento ng buhay na puno ng tiyaga, katatagan, at hindi natitinag na determinasyon. Na kahit na ilang beses pinatumba ay hindi pa rin nawawalan ng paraan para subukang bumangon ulit. Marahil siya na nga ang maituturing natin na pinakamalaking what if sa kasaysayan ng basketball. What if hindi siya nagkaroon ng injury? Ilang MVP award kaya ang kaya niyang kunin? Malampasan niya kaya ang mga nagawa ni LeBron James? Siya kaya ang ang greatest point guard of all time? Hindi natin alam. Kaya tara, samahan niyo akong alamin ang storya ng the rose that never blossomed.