Muthenya wa umuthi ni ngucanio imwe ikorirwo igithakwo thiini wa ngucanio cia CECAFA ikereka ria 39 iria cirathakirwo guku bururi-ini. Ngucanio ino imwe ithakiirwo kiharo-ini kia Bukhungu kuria timu ya Uganda aria nio ateteri a gikombe giki mandikithirie uhotani wa mbao 3-1 magithaka na timu ya South Sudan. Muthenya wa ruciu gutanyitewo guthakwo ngucanio 2 kiharo-ini kia Machakos. Ngucanio ya mbere timu ya Rwanda Amavubi magakorwo magithaka na timu ya Tanzania kuria timu ciothe cina pointi 1-1 nayo ngucanio ya 2 igakorwo igikuruhania atongoria a ngurubu ino Zanzibar aria mena pointi 6 na timu ya Kenya aria mena pointi 4.