WBC champ inakalang pang tune-up fight lang si Pacman, ayun! pinatulog ni Pacquiao para masungkit ang kauna-unahang world title. Alamin natin ang kakaibang istorya ng labang ito mga parekoys. December 4, 1998 - 22 years na ang nakakaraan, ginulat ng 19 anyos na si Manny Pacquiao ang boxing fans na nanonood sa Tonsuk College Ground ng Phuttamonthon sa Thailand, ng pabagsakin ni Manny ang nooy WBC Flyweight champion na si Chatchai Sasakul. Dehado si Manny sa beteranong thai champion na naging 2-time SEA Games Gold Medalist. ASIAN Games Silver Medalist at 1988 Seoul Olympian kaya halos ituring siyang national hero ng Thailand dahil sa kanyang mga achievements. Bago ang laban – galing sa dalawang matagumpay na title defense ang 28 anyos na si Sasakul . Meron din itong kartadang 31 wins, 23 by knockout 1 talo at 1 draw at sinasabing 20 pinoy na ang kanyang nabiktima. Si Manny naman ay may numerong 23 wins – 14 by knockout at isang talo na galing naman sa 2 magkasunod na knockout victory. Agad na nagtrabaho ang kampeon sa simula pa lang ng laban. Nahirapan si Pacquiao na habulin ang tila bang may sa palos na si Sasakul na bumibitaw ng mga scoring blows kay Manny. Kahit hindi makatama ng maganda, sugod pa din ng sugod si Pacquiao at kahit na tinatamaan ng mga kobinasyon ni Sasakul – hindi nagpapatinag si Pacman. Huling Segundo ng 7th round – nakatama si Manny ng straight left na ininda ni Sasakul pero na-save by the bell. Sa pasimula ng 8th round – desidido na si Pacquiao na tapusin ang laban. Binayo nya ng kaliwat kanan ang bodega ng thai champion na halos umubos sa hangin ni Sasakul. Ito na ang naging pagkakataon ni Pacman, Dahil sa mga sinalong body shots – bumaba ang depensa at napagod si Sasakul kaya naging easy target na para kay Manny. Na-corner ni Pacquiao si Sasakul – isang powerful left straight ang tumama sa panga ng kampeon na agad niyang ikinabagsak. Napangaga at halos hindi makapaniwala ang mga fans ni Sasakul sa nangyari. Sinubukan pa niyang tumayo ngunit hindi na nakayan dahil nahilo ng todo sa lakas ng sinalong suntok mula kay Pacquiao. Isang come-from-behind victory para kay Pacquiao at dito naitala ang kanyang kauna-unahang kampeonato saw along magkakaibang dibisyon. Eto ang kakaiba : Sa isang interview kay Manny – nabangit niya na ang usap-usapan bago ang bakbakan, parang isang tune-up fight lang daw ang laban sa thai champion. At matutulad lang si Manny sa 20 pinoy na binalasa ni Sasakul. Eto pa : Bago ang knockout shot ni Manny sa round 8, – lamang na lamang sa score card si Sasakul sa puntos na 70-64, 69-64 at 68-65 Eto ang matindi : Ng papunta na sa fight venue ang team ni Manny mula sa hotel na kanilang tinuluyan, inabot sila ng 45 minutes sa byahe na parang sinadya para mapagod si Pacquiao bago ang laban. Ang nakapagtataka lang, ng makuha na ni Manny ang kampeonato at bumyahe na pabalik sa hotel – 10 minuto lang ang kinain na oras. Article : https://www.philstar.com/sports/2020/12/23/2065770/when-manny-won-his-1st-world-title