KA sótti topplið Vals heim þann 9. júlí 1989. Loksins kom að því að KA skoraði mark á útivelli og það dugði liðinu til 0-1 sigurs í leiknum mikilvæga. Rigning og rok settu sterkan svip á leikinn en KA-menn voru baráttuglaðari og það færði þeim stigin dýrmætu. Sigurmarkið kom þegar Gauti Laxdal tók aukaspyrnu og sendi knöttinn inn í vítateig Vals þar sem Anthony Karl náði honum og skoraði með góðu skoti hjá sínum gömlu félögum.