Muthenya wa umuthi ni ngucanio 2 cithakirwo ngucanio-ini cia CECAFA Senior Challenge Cup kuria ngucanio ciothe cithakiirwo kiharo-ini kia Kenyatta kaunti ya Machakos. Ngucanio ya mbere timu ya Rwanda Amavubi makorirwo makiandikithia uhotani wa mbao 2-1 magithaka na Kili Stars. Riu timu ya Tanzania itigaritie ngucanio 1 na timu ya Kenya kuria mwihoko wao wa kuingira ikinya riu ringi ukinyite muthia thutha wao kuhotwo ngucanio 2 na guthie droo ngucanio 1. Ngucanio ya 2 igukuruhanagia timu ya Zanzibar na timu ya Harambee Stars kuria ngucanio ino ikorirwo igitie droo ya kwaga kuingirania mbao. Riu timu ya Zanzibar niyo timu ya mbere kwigatira mweke wa QF thengia yao gukorwo matigaritie ngucanio imwe na timu ya Libya.