Showtime Shawn Porter idinetalye ang kakaibang experience ng unang sparring nila ni Manny Pacquiao. May pa bonus pang nike boxing boots mula kay Pacman. Isa sa mga kilalang top welterweight ngayon ang native ng Akron, Ohio na si Shawn Porter. Former IBF at WBC Welterweight champion at kasalukuyang kumakatok sa pintuan ng mga kampeon sa 147 pound division. Kumakailan, sa youtube channel na The Porter Way Podcast Clips, naitanong kay Porter kung ano ang hindi niya malilimutang sparring session sa kanyang boxing career, Mabilis na ibinahagi ni Porter ang kakaibang experience niya sa ating pambansang kamao. Ang sparring session nila ay para sa paghahanda ng ating pambansang kamao kontra kay Miguel Cotto Noong una, akala daw ni Porter na magiging isamg ordinaryong sparring session lang ang magaganap. At ng tumunog na ang bell at humarap na kay Pacman – naramdaman niya ang malakas na hangin na dala ng aura ni Manny Pacquiao. Sa isang lingong pananatili ni Porter sa kampo ni Pacman bilang ka-sparring partner – maraming silang napulot at natutunan kung paano talaga tumakbo ang training camp ng isang kampeon. At ang malupit, naikwento din ni Porter ang kabutihan ni Pacman. Dahil si Pacquiao ang kauna-unahang boksingero na naging modelo at nakapagsuot ng Nike boxing boots, hiniritan daw ito ni Porter ng isa. Hindi daw nagdalawang isip si Pacman – hinubad daw ni Manny ang kanyang suot na sapatos at ibinigay kay Porter. Ang ganitong kwento na nangagaling mismo sa mga sikat na boksingero ay talagang nakaka-proud. Biro mo, hindi natin ito malalaman kung hindi pa ibabahagi ng mga taong nakasalamuha ang ating pambansang kamao. Sa isang lingong pakikipag-sparring – nakapagbaon ng magandang aral at karanasan si Porter na kanyang ginagawa hangang ngayon. #mannypacquiao #shawnporter