تابعني على حساباتي : تويتر : i_majeed97@ انستقرام : i_majeed97 سناب : i_majeed97 سلمان الفرج يودع الهلال ؟ ويلمح للنصر في الانستغرام !! نزل لاعب الهلال سلمان الفرج بوست في الانستغرام صورته بالابيض والاسود وكتب بالتعلق نقطة ، وجت في وقت مفاوضاته للتجديد مع ادارة الهلال وكالعادة في كل مره يقترب انتهاء عقد سلمان الفرج يصير اكشن ونقاشات ويزيد اللغط حول رحيله وخصوصا لنادي النصر لكن هالمره تختلف لأن فيه انباء كثيره ان النصر قدم عرض رسمي للاعب سلمان الفرج وان الامير خالد بن فهد داعم للصفقة حسب صحيفة الجزيرة عقد اللاعب ينتهي في شهر ٧ عام ٢٠٢١ يعني باقي له ٩ شهور ولسى مابعد دخل فترة ٦ شهور اللي تمكنه من مفاوضة اي نادي. الى الان النصر لو يبي اللاعب لازم يتفق مع ادارة الهلال وادارة الهلال اكيد ماراح توافق على رحيل اللاعب .. طيب الفرج ليه ساكت ؟ هناك تفسيرين التفسير الاول انت ممكن يبي يضغط على ادارة الهلال للرضوخ لمطالبة المالية حيث انه يبي راتب عالي وادارة الهلال ماهي موافقة على الرقم اللي هو طالبه .. اللاعب يحق له كونه قائد الفريق وافضل لاعب محلي وقبل كل شيء باقي له كم موسم ويعتزل ويبي اعلى مبلغ ينهي به مسيرته . التفسير الثاني انه يبي ينتقل للنصر لكن مابعد دخل الفترة الحرة ولا يقدر يتكلم فيماطل الى ان يدخل الفترة الحرة ويوقع للنصر .. انتشر مقطع صوّره لاعب النصر السابق احمد عكاش مع سلمان الفرج يتكلم فيه عن الضجة اللي سواها حول رحيله فسلمان في المقطع لم ينفي الاخبار اللي تقوله انه يبي يطلع ولا أكدها ( المقطع ) فيه علاقة بين جمهور النصر وسلمان الفرج جماهير النصر تحترمه كثير ممكن لانه لبس شال النصر بعد نهائي كاس الملك ٢٠١٥ وتحيته للجماهير او ممكن بعد الفيديو اللي انتشر له مع وليد عبدالله يتحدثون عن ظلم النصر في الدوري واقراره ان النصر ظُلم ونشر سلمان في الستوري حقه في الاسنتغرام صورته وحط ايموجي شمس وتفسرت انها تلميحه للنصر . وغرد الاعلامي وليد الفراج امس وتحدث بحديث وفهم كثير من المتابعين بأنه يقصد في ذلك سلمان الفرج وقال في التغريدة : علمتنا الايام ان النجومية التي تنتج عن فترة زمنية طويلة داخل مجموعة معينه نادرا ما تستمر في مجموعة جديدة بل غالبا ما تكون صفقة مكافئة نهاية الخدمة . التاريخ الرياضي مزدحم بالكثير من هذة القصص ، الله يوفق الجميع لما فيه الخير له . النصر لو سواها بتكون صفعة قويه للهلال اني اوقع مع قائد فريقك وافضل لاعب سعودي اخر السنوات وعنصر هام في تشكيلتك وفي ظل الصفقات اللي سواها النصر الفترة الاخيرة وادارة الهلال لم تقم بأي تحرك وتجي تاخذ كابتن الفريق لا بتكون مهينه لنادي الهلال وستصنف من اقوى الصفقات اللي حدثت في تاريخ الدوري لكن لو نجي للمنطق النصر مو بحاجة الفرج ابد النصر توه موقع مع الصليهم وقبل كم يوم وقع مع الموهبه علي الحسن وعنده بيتروس وكلهم يلعبون في نفس مركزه ولا ننسى اللاعب عمره ٣١ يعني بيعطيك موسمين الى ثلاث مواسم بالكثير فما تستاهل انك تدفع له مبلغ عالي جدا جدا وانت عندك لاعبين ممتازين في مركزه وقبل كذا انت محتاج لاعبين في مراكز ثانيه اولا من هالمركز اللي فيه لاعبين كثير . طيب السؤال هنا لسلمان ليه ينتقل للنصر وهو قائد للهلال ومن ابناء النادي ومرتاح ومركز اساسي والجمهور يحبه ويعيش افضل فتراته مع الهلال مالها الا انه جايه عرض من النصر اعلى بكثير من عرض الهلال ، هذا اذا قلنا انه يبي ينتقل للنصر اصلا .. وصراحة انا اميل للتفسير الاول انه يضغط على ادارة الهلال كما فعل سالم الدوسري وياسر الشهراني قبل كذا لرفع رواتبهم .. وصراحة هو الاحق من بينهم للمطالبة برفع راتبه للتجديد خصوصا ان سالم والشهراني يوم يطالبون وقتها كانت قبل لا يحققون اسيا ولا الدوري ٢٠١٨ و ٢٠٢٠ هذا غير انه في فرق كبير بين رواتب اللاعبين للسعوديين والاجانب في الهلال مثلا جوفينكو يستلم ضعف مايستلمونه اللاعبين السعوديين واذا جينا للحق الفرج وسالم والبريك اهم من جوفينكو في تشكيلة الهلال فاللاعب من حقه يطالب دامه يقدم في الملعب مثله مثل اللاعب الاجنبي ويمكن افضل منه والاجنبي يستلم ضعف راتبه لانه اجنبي فقط. عالعموم ننتظر ونشوف الاحداث في قادم الايام ولهنا وصلنا لنهاية الفيديو قلي رايك تحت بالكومنت هل تتوقع الفرج يبي ينتقل للنصر او هي وسيلة ضغط على ادارة الهلال ؟.