Liga de 2ªB. Pontevedra 2-0 Salamanca

O Pontevdra saúda de novo o liderato tras superar a resistencia dun Salamanca que se agarrou ao seu porteiro, o debutante Barbero, para conter o acoso granate nun primeiro tempo con escasas ocasións de gol. Unha cabezada de Rufo e outra do central Xisco Campos foron a única achega ofensiva dos pontevedreses nestes corenta e cinco minutos. Todo mudou coa expulsión de De Lorenzi no minuto 57 por este derrubo a Charles cando encaraba ao meta de Barbero. O central arxentino xa contaba cun cartón amarelo da primeira metade. A partir de aquí, desatáronse os ataques pontevedreses contra a meta salmantina con remates de Álex González, Charles, Xisco Campos e Iñaki rexeitados por un sensacional Dani Barbero. O muro dos de Egea semellaba imposible de derrubar. A súa resistencia durou ata o minuto 89, cando o meta lle fai penalti a Rufo, que Charles se encarga de transformar no un a cero. Segndo tanto do dianteiro na Liga, ambos de penalti. Co Pontevedra lanzado, Charles conduce unha contra e serve para que marque o seu compañeiro, o goleador Rufo que lograba o seu primeiro tanto. Con esta vitoria, os pontevedreses recuperan o liderato por mellor diferencia de goles que o Deportivo. Aquí tedes o partido completo: http://www.crtvg.es/tvg/a-carta/futbol-2-b-pontevedra-c-f-salamanca-c-f-uds-4664074