“歐洲聯賽冠軍盃” tag's highlights of related matches, posts & more...
馬賽 1:2 熱刺 | Champions League 22/23 Match Highlights HK
馬賽 1:2 熱刺 | 2022-2023 歐洲聯賽冠軍盃 2022年11月2日 星期三 馬賽今場需要全取3分先可以順利出線，佢哋上半場補時階段憑後衛梅邊巴嘅頭鎚先開紀錄，出線露出曙光。可惜下半場熱刺中堅朗格利，頂入加盟熱刺嘅第一個入球成功板平。志切晉級嘅馬賽繼續搶攻，可惜最後補時5分鐘反被熱刺一次反擊，由靴爾保射入反勝。最後熱刺鎖定首名出線，馬賽就告別今季歐洲賽事。 立即嚟呢度下載beIN SPORTS，一齊進入足球嘅國度！ https://bein.onelink.me/PGZK/beinYT Instagram: https://www.instagram.com/beinsportsasia/
格拉斯哥流浪 1:7 利物浦 | Champions League 22/23 Match Highlights HK
格拉斯哥流浪 1:7 利物浦 | 2022-2023 歐洲聯賽冠軍盃 2022年10月12日 星期三 沙拿今場先任後備，以達雲紐尼斯同費明奴攻堅。17分鐘利物浦要先落後，艾菲特禁區邊嘅熨射，收死門將阿里遜。不過7分鐘後，費明奴憑一次角球攻勢追平完半場。去到下半場，利物浦表現脫胎換骨，55分鐘費明奴梅開二度，70分鐘佢再助攻俾達雲紐尼斯射成3:1。後備落場嘅沙拿喺75分鐘，5分鐘內連中三元，加埋87分鐘艾利亞治埋齋，最終利物浦大炒格流7:1完場，出線形勢大好。 立即嚟呢度下載beIN SPORTS，一齊進入足球嘅國度！ https://bein.onelink.me/PGZK/beinYT Instagram: https://www.instagram.com/beinsportsasia/
AC米蘭 0:2 車路士 | Champions League 22/23 Match Highlights HK
AC米蘭 0:2 車路士 | 2022-2023 歐洲聯賽冠軍盃 2022年10月11日 星期二 AC米蘭上仗以0:3不敵車路士，今仗返回聖西路球場作賽，希望一雪前恥。可惜去到17分鐘，杜莫利喺禁區侵犯曼治，輸12碼兼被紅牌驅逐離場，佐真奴一射中鵠，為客軍領先1:0 。33分鐘曼治送出妙傳，奧巴美揚快速突入射成2:0。打多一人下車路士控制大局，可惜未能增添入球，AC米蘭亦有達斯治射門斜出，結果車路士作客2:0擊敗AC米蘭，排E組榜首。 立即嚟呢度下載beIN SPORTS，一齊進入足球嘅國度！ https://bein.onelink.me/PGZK/beinYT Instagram: https://www.instagram.com/beinsportsasia/
曼城5:0 哥本哈根 | Champions League 22/23 Match Highlights HK
曼城5:0 哥本哈根 | 2022-2023 歐洲聯賽冠軍盃 2022年10月5日 星期三 曼城今仗收起迪布尼，但仍然能夠大勝對手。7分鐘佢哋已經由賀蘭先開紀錄。呢位炙手可熱嘅前鋒喺31分鐘梅開二度，加上哥本哈根後衛卻高拿華喺39分鐘將對方沙治奧高美斯嘅射門改變方向誤擺烏龍，令曼城半場已經遙遙領前三球。下半場55分鐘馬列斯嘅12碼，加上侯利恩艾華利斯喺75分鐘埋齋，曼城大勝對手五球，三戰全勝高踞榜首。 #beINUCL 立即嚟呢度下載beIN SPORTS，一齊進入足球嘅國度！ https://bein.onelink.me/PGZK/beinYT Instagram: https://www.instagram.com/beinsportsasia/
國際米蘭 1:0 巴塞隆拿 | Champions League 22/23 Match Highlights HK
國際米蘭 1:0 巴塞隆拿 | 2022-2023 歐洲聯賽冠軍盃 2022年10月4日 星期二 國際米蘭對巴塞隆拿時變陣，收起迪施高，改派哥利亞同拿奧達路馬天尼斯攻堅。捱過關波初段巴塞一輪急攻後，國米開始搶回優勢，哥利亞雖然單刀建功，可惜越位在先。不過喺上半場補時階段，查漢洛路喺禁區外射射地波入網，主隊半場領先1:0 。67分鐘柏迪曾經將個波送入網，因為隊友手球在先而慘食詐糊。補時階段鄧費斯喺禁區內疑似犯手球，不過球證並冇吹罰12碼，最終國際米蘭保持勝果，1:0擊敗巴塞隆拿，以6分升上第2位。 立即嚟呢度下載beIN SPORTS，一齊進入足球嘅國度！ https://bein.onelink.me/PGZK/beinYT Instagram: https://www.instagram.com/beinsportsasia/
曼城 2:1 多蒙特 | Champions League 22/23 Highlights HK
曼城 2:1 多蒙特 | 2022-2023 歐洲聯賽冠軍盃 2022年9月14日 星期三 上半場雙方都有攻門鏡頭，但實際威脅唔大。換邊後56分鐘，馬高列奧斯起腳，比寧咸加一頭改變方向，為多蒙特領先。不過去到80分鐘，史東斯一腳精彩嘅遠射為球隊追平。 4分鐘後，今場倒戈上陣嘅夏蘭特一下極高難度嘅射門，為曼城反勝2:1，喺G組兩戰全勝排喺榜首，而多蒙得就以3分排喺第2位。 立即嚟呢度下載beIN SPORTS，一齊進入足球嘅國度！ https://bein.onelink.me/PGZK/beinYT Instagram: https://www.instagram.com/beinsportsasia/
拜仁慕尼黑 2:0 巴塞隆拿 | Champions League 22/23 Highlights HK
拜仁慕尼黑 2:0 巴塞隆拿 | 2022-2023 歐洲聯賽冠軍盃 2022年9月14日 星期三 巴塞上半場都有唔少機會，可惜未能把握。久攻不下嘅情況下，反而俾拜仁喺4分鐘內連入兩球︰首先喺49分鐘之後憑住一個角球攻勢，由盧卡靴蘭迪斯接應頭鎚破網先開紀錄；53分鐘再由辛尼推入禁區射門「慢溜尾袋」。巴塞之後返魂乏術，拜仁最終贏2比0。 立即嚟呢度下載beIN SPORTS，一齊進入足球嘅國度！ https://bein.onelink.me/PGZK/beinYT Instagram: https://www.instagram.com/beinsportsasia/
利物浦 0:1 皇家馬德里 | Champions League 21/22 Match Highlights HK
利物浦 0:1 皇家馬德里 | 2021-2022 歐洲聯賽冠軍盃 2022年5月28日 星期六 呢場萬眾矚目嘅歐聯決賽，首先由利物浦發動攻勢，15分鐘沙拿射門被古圖奧斯擋出，5分鐘後文尼射門又被古圖奧斯撲出再中柱，完半場前賓斯馬食咗舖詐糊，未能為皇馬領先。不過去到58分鐘，華維迪傳送一個致命地波俾雲尼素斯射入，令皇馬先開紀錄。落後下嘅利物浦發動猛烈攻勢，可惜沙拿兩次極具威脅嘅射門都被古圖奧斯擋出。結果皇馬以1球險勝利物浦，歷史性奪得第14次歐聯冠軍。 立即嚟呢度下載beIN SPORTS，一齊進入足球嘅國度！ https://bein.onelink.me/PGZK/beinYT Instagram: https://www.instagram.com/beinsportsasia/