Mahir "Barselona", "Bayern", PSJ-də oynaya bilərmi? - Qurban Qurbanovdan açıqlama

Supersport.Az avrokubokların qrup mərhələsində 8-ci dəfə mübarizə aparan "Qarabağ"ın baş məşqçisi Qurban Qurbanovdan "Legiya"da meydan sulayan hüçumçu Mahir Emreli haqda eksklüziv açıqlama alıb. "Mahirin uğurlarına şadam. Təkcə "Qarabağ" yox, Azərbaycan adına görə sevinirəm. Futbolçularımızın xaricdə uğurları nə qədər çox olsa, ölkəmizə, futbolumuza böyük faydası olacaq. Mahirə nailiyyətlərinə sevinirəm, uğurlar arzulayıram. Özümüzə də qələbələr diləyirəm". "Mahir, gələcəkdə "Barselona", "Bayern", "Mançester Siti", PSJ, "Qalatasaray"da oynamaq kimi nəhəng istəyini reallaşdıra bilərmi?" sualımızı təcrübəli mütəxəssis Qurban Qurbanov cavablandırıb: "Bu haqda konkret nəsə deyə bilmərəm. Çox çalışsa, daha böyük komandalarda oynaya bilər". Qeyd edək ki, "Bakı"nın yetirməsi olan Mahir Emreli 2015-ci ildən "Qarabağ"da püxtələşib, bu ilin iyununda "Legiya"ya keçib.