NBA NA SANA SIYA NOON, BAKIT TAMBAY NA LANG SIYA NGAYON? ANO ANG TUNAY NA NANGYARI KAY KOBE PARAS?

Sa mahihilig sa Basketball sa Pilipinas na hindi alam kung ano ang punot dulo ng pambabash na ginagawa kay Kobe Paras, balikan muna natin kung bakit nga ba nakaipon ng napakaraming basher si Kobe pagdating sa larangan ng Philippine basketball. Highschool pa lamang si Kobe, nagpakita na agad ito ng mataas na potensyal ang batang Kobe na may husay ito pagdating sa paglalaro ng basketball. Sa edad lamang kase na labing limang taong gulang, nasa 6’5 na ang kanyang height, hindi pangkariniwan na taas ng isang pinoy, meron din siyang skill set na pang wingman, may ball handling, may tira sa labas at malakas umatake at higit sa lahat ay athletic. Noong mga panahong iyon, sa edad niya ay bibihira lamang ang nakakagawa nito sa ating bansa. kaya naman kahit hindi pa gaanong uso ang mga vloggers at influencer noong mga panahong iyon, nabuo pa din ang hype at hope ng mga pinoy fans noon na baka si Kobe Paras na nga ang kauna unahang home grown pinoy na makakapaglaro sa NBA.