"Qarabağ": baş məşqçidən etiraz, kapitandan hədiyyə, yeni hücumçudan məsləhət

Supersport.Az Azərbaycan Premyer Liqasının 15-ci turunda "Səbail" - "Qarabağ" oyunundan maraqlı videogörüntü hazırlayıb. Ağdam klubunun hücumçusu Mahir Emreli daban zərbəsiylə qol vuraraq komandasına qələbə qazandırmaqla yadda qaldı. Matçın gedişində "Qarabağ"ın baş məşqçisi Qurban Qurbanovun baş hakim İnqilab Məmmədovun bəzi qərarlarına etiraz etməsi diqqətimizdən yayınmadı. Oyunun final fiti səslənəndən sonra seneqallı forvard Maqaye Qeyeyə yaxınlaşan yeni transfer, qanalı hücumçu Kvabena Ovusu əl-qol hərəkətləri ilə komanda yoldaşına məsləhət verdi. Azarkeşlərin "Qarabağ" çempion!" hayqırtısını futbolçular alqışla qarşıladılar. Kapitan Rəşad Sadıqovsa formasını fanatlardan birinə hədiyyə etməklə fərqləndi.